Popular Bible Verses from Flp 3

Share

Hat taq hermano, ma' k'ahchi' ta nuq'orom chi nureqem ta chik i hin taqe wili. Xa re' la' re' nub'an i hin, re' chi k'ahchi' nuq'eb'em chi riij nuk'ux i nub'anam chaloq. Eh k'ahchi' nuchopom nuk'ux chureqariik i wilik reje chi nuwach, reh chi naa nub'anam i ponik ko aha' naa rub'aan wii' ponik reh chi nawehchaam i nukooch pan taxaaj, re' i xusik' cho wii' qawach i Dios chi naa qak'ulum parub'ihnaal i Jesucristo.

Re' hin inwaaj chi nee nunab'eej chi korik chi xa re' wo' Jesucristo inko'linik. Inwaaj wo' wik'raam rajaawriik i Dios x-uksanik cho reh chi k'achlik wach. Eh inwaaj wo' nukuyum ransil i ti' k'axik je' rukab' noq xukuy cho ransil i ti' k'axik i Jesucristo, ro'q ta ank'ul weh i ti'laj kimik xuk'ul i reh. Eh ch'iklik nuk'ux chi naa wehtriik i kiwuktiik chaloq i kamnaq chi k'achlik kiwach re' taqe i xinimanik reh i Jesucristo.

Eh xti korik chi chu'nchel i xa chib'ih jariik, ma' xta chik tz'aaq chi wee hin ruum xnunab'eej chik wach i waJaaw Jesucristo. Eh ruum i runimjiik i reh, nuq'eb'em chik chi riij nuk'ux chu'nchel xa je' chik sohk' chi weh ruum rureqariik i ruk'axb'al i Jesucristo.

Eh chu'nchel i re', xti wilik wo' naq tz'aaq chi wee hin. Eh yu'naak, ma' xta chik k'isinoq tz'aaq chi weh, ruum xnureq chik i ruk'axb'al i Jesucristo.