Popular Bible Verses from Mar 16

Share

Je' wili i xuq'or keh i raj tahqaneel: Yu'naak hiy taq, cha q'or rib'iral i ak' k'uhb'aal keh chu'nchel i tinamit chi junsuut i wach ak'al.

Eh re' naakinimaniik weh, re' wili i ehtalil i naa kianam: Panub'ihnaal naa kesam i ma' tob'laj uxlab'al kuuk' i tinamit. Eh naa kiq'oriik pan tokoom q'orik. Eh wila' xkichop taqe i aaq', ma' naa ta kiti'arik. Eh wila' xkuk'ej i ha' re' ruuk' inkansanik, ma' xta naa kuuchjiik ruum. Wila' xkiyeew i kiq'ab' chinaah taqe yowaab', naa kik'achjik, inki Jesús.

Eh awach i neenimanik reh i ak' k'uhb'aal, eh neenqajik ruhaa', naa ruko'ljiik. Raaj awach i ma' nee ta nimanik reh, naa ruq'atariik i q'orik chinaah.

Re' taqe raj tahqaneel xiooj wo' chi q'orariik rib'iral i ak' k'uhb'aal xa aha' yuuq'. Eh re' QaJaaw intoob'inik keh. Eh re' i ma' ilooj taj inki a'n ink'uhtanik reh chi korik inkiq'or, je' ta naq re'.

Re' reh je' wili i xuq'or keh ixoq: Matyo'jik taq. Re' taq i hat, re' i ruti'jolal i Jesús aj Nazaret taq inasik', re' i xkojarik wach kuruus. Re' reh xwuktik wo' chik reje chi k'achlik wach, ma' xta chik ayu'. Chawil taq i ye'aab' aha' xmuhqik wii'.

Noq xi ponik ar, inkilow elinaq chik iloq i nimlaj ab'aj tz'aplik naq wii' chii' i jul. Eh noq xi okik i koq panjul ixoq xkilow wach jinaj i k'ijool saq potz'ik i runim rooq so' rukojom tzunlik pansak'aaj ree jul, ma' k'isiin ta xiyo'jik ruum.