Popular Bible Verses from Mar 13

Share

Re' taq i hat, chu'nchel i tinamit naa ki-ixowaniik taq awach ruum i nunimjiik. Eh awach i ma' naa ta ruyojiik ruk'ux korehtaal i rukimiik, re' re' naa ruko'ljiik.

Je' re' noq re' taq i hat, xa eliik-oq na'lik taq aweh, eh cha a'n taq atiij, ruum ma' aweht'al ta taq jaruuj naa ruponiik i ru orahiil chi naa ruk'ulariik taqe re'.

Eh jarpech taq naa kaat kik'amam reje chikiwach i q'atal q'orik, mat kapeb'ik taq chi riij chib'ih taq i naa aq'orom, ruum re' taq i naa aq'orom aha' wilik i naa ruye'ariik taq pan awánima. Ruum ma' xata pan awánima taq naa ruchaliik i naa taq aq'orom, re' la' i Santolaj Uxlab'al naa ruq'oriik taq aweh.

Re' taxaaj ruch'ihil i wach ak'al naa rik'iik kiwach. Eh re' nuk'uhb'aal ma' naa tarik'iikwach.

Xa re' la', re' ruq'ijil taqe re', ma' jino'q i naab'inik reh. Ni xata re' taqe ánjel wilkeeb' cho pan taxaaj, ni xata re' hin, Ak'uunb'ees Dios, xa re' wo' hoq i waJaaw i naab'inik reh.

Eh re' taq i hat na' chab'iraj taq rib'iral chi k'ahchi' i q'aq'inik chi najt chi ma' najt, mat yo'jik taq, ruum xa je' wo' re' i naa ruk'ulariik. Xa re' la', komajaa' ta re' re' i rusahchiik wach i wach ak'al.

Je' wo' re' taq i hat, xa eliik-oq taq na'lik aweh, ruum ma' aweht'al ta taq nik' naa nuk'uliik iloq ruka'peech i hin, je' rukab' i ehchan paat re' re', mi re' parujohtiik aq'ab', mi re' yejal aq'ab', mi re' pampeet koq'iim imaas, oon parusaq'iik naa nuk'uliik iloq. Na'lik-oq taq aweh re', reh chi ma' suq ta taq awiriik noq nee taq tik'ulik nureq. Aha' wilik i nuq'or taq awee hat, i nuq'or wo' keh chu'nchel i tinamit: Xa eliik-oq na'lik taq aweh, inki Jesús.

Eh re' taqe i nimaq taq tinamit k'ul naa kitoq'aam peleto chikiwach. Eh re' taqe i ju'jun seht chi tinamit k'ul naa kitoq'aam q'aq'inik chikiwach. Naa ruwihiik yihk, wi'jaleel. Re' taqe re', xa toq'omb'al pee reh i runimaal ti' k'axik naa ruk'ulariik.

Eh noq komajaa'-oq insahchik wach i wach ak'al, ajwaal wach chi peet naa ruq'orariik rib'iral i ak' k'uhb'aal chupaam i nimaq taq tinamit sut i wach ak'al.

ruum ma' k'isiin taqe i je' tii chik panub'ihnaal naa kik'uliik iloq. Re' hin i Cristo, inko'q taqe, eh ma' k'isiin i naakijot'om.

Re' taq i hat, chawik'raaj taq awiib' ruum naa taq kaat kiq'asam pan kiq'ab' i q'atal q'orik. Eh naa taq kaat kiq'ojib'eem chupaam taqe i paat inlooq'jik wii' Dios, eh naa taq kaat kiq'asam pan kiq'ab' i nimaq wach kikamaj, pan kiq'ab' i reey ruum i nunimjiik. Ar naa taq aq'orom wib'iral keh taqe re'.

ruum naa kik'uliik iloq naa kikojom kiib' chi Cristo, i naa kikojom kiib' chi jalal ruq'oral i Dios. Eh wilik ehtalil, wilik i ma' ilooj taj naakik'uhtaam, chi jot'b'al keh taqe rusik'im cho kiwach i Dios.

Eh noq ik'inaq chik i runimaal ti' k'axik re' re', re' q'iij naa ruq'equumriik wach, re' poh ma' naa ta chik ruye'em i rusaqumaal. Eh re' taqe ch'umiil wilkeeb' pan taxaaj naakiq'ehb'iik chaloq. Eh re' taxaaj ruch'ihil i wilkeeb' chupaam naakikirkotiik.