Popular Bible Verses from Mar 1

Share

Re' Jesús, ko wahq'eq xwuktik reje, ko q'equm wach aak'al, xelik reje pan tinamit, xooj chupaam jinaj ye'aab' ma' xta wii' patineel, ar xub'an rutiij.

Eh je' wili i xuq'or: Re' q'iij ruq'orom chaloq i Dios xmanlojik chik wach. Re' i runimaal rajaawriik i Dios inyijik chaloq i ruk'uliik. Chayot' taq ak'ux chi riij amahk, eh cha nimaj taq i ak' k'uhb'aal, inki.

Eh noq xelik cho panha' i Jesús, xrilow chi xteh chii' taxaaj, eh xrilow wo' hoq chi xqajik cho chinaah i Santolaj Uxlab'al chi je' inqajik cho paloma. Eh x-ib'irjik jinaj i q'orik xb'aan cho pan taxaaj, je' wili i xuq'or chaloq reh i Jesús: Re' hat, hat Wak'uun q'e' ti nuk'ax, re' hat i hat nupab'aam chaloq, inki.

Re' hin xa ruuk' ha' taq inuqasaj ahaa'. Raaj i k'ulik iloq reh chi wiij, ruuk' i Santolaj Uxlab'al naa taq ruqasam ahaa', inki Juan.

Eh je' wili i xq'orarik keh ruum i Jesús: Taq taq chi wiij. Re' hin naa taq kaat nukojom chi re' taq chik aawas achaaq' naa asik'im chi jilow kar, ki uchjik. Re' keh jumehq'iil xkikanaa' kahnoq i kiya'l, eh xiooj chi riij i Jesús.

Eh re' keh insahchik kik'ux ruum i k'uhb'alinik i rub'an i Jesús, ruum xti wilik rajaawriik chub'aan, ma' je' ta rukab' inki a'n i kik'uhtanik ree najtir k'uhb'aal.