Popular Bible Verses from Mat 8

Share

Re' Jesús je' wili i xuq'or keh: ¿Chihreet noq ma' k'isiin taq ayo'jiik? Ma' aye'em ta taq ak'ux chi nimanik, inki. Eh xwuktik johtoq, xupab'aa' i kowlaj teew i rub'ohl i palaw, eh xanoq wo' kitz'iriwanik.

Re' k'amal kib'eeh i soldado je' wili xuq'or: Jaaw, ma' ruk'ul ta chi weh chi netiooj panupaat. Xa cha taq'aaj la' ruq'orariik reh chi neenk'achjik inumoso.

Eh noq xrib'iraj i Jesús chi je' re', xsahchik ruk'ux, je' wili i xuq'or keh i kitahqinik reh: Xti korik i nuq'or chi ma' jank'al ta nureq jino'q ar Israel xti ruye'em ruk'ux je' rukab' i winaq wili inki.

Eh re' Jesús je' wili xuq'or reh i k'amal kib'eeh soldado: Hiy panapaat. Neenb'aan aha' wilik i xapahqaaj, ruum chi aye'em ak'ux, inki. Eh chupaam i jumehq' re' re', xk'achjik i rumoso i winaq re' re'.

Noq xkilow chi je' re' i wilkeeb' pan barco, xsahchik kik'ux, xkipahqaaj chikiwach chi je' wili: ¿Awach aj wo' winaq wili? Inimjik inche ruum i teew, ruum i palaw, inki taqe.