Popular Bible Verses from Mat 24

Share

Je' re' noq, ma' k'isiin i yiib' wach na'ojb'al naa rub'aan. Eh ruum i re', ma' k'isiin taqe inaakikanaam ruk'axariik taqe i tokoom. Raaj awach i ma' xyoj ta ruk'ux chi nimanik korehtaal i rukimiik, re' re' naa ruko'ljiik.

Eh re' ak' k'uhb'aal wili chi riij i runimaal rajaawriik i Dios naa ruq'orariik chi junsuut i wach ak'al, reh chi chu'nchel naakinab'iniik reh, kora'j naa rusachariik wach re' chu'nchel i wach ak'al.

Re' taq i hat naa taq ab'iram rib'iral chi xa aha' yuuq' naa rub'aan i q'aq'inik mat yo'jik taq, ruum xa je' wo' re' i naa ruk'ulariik. Xa re' la', komajaa' ta wo' re' re' i rusahchiik wach i wach ak'al.

Eh re' taqe i nimaq taq tinamit k'ul naa kitoq'aam peleto chikiwach, eh re' i ju'jun seht chi tinamit k'ul naa kitoq'aam q'aq'inik chikiwach. Naa ruwihiik i wi'jaleel. Naa ruwihiik yihk chupaam taqe ye'aab' xa aha' yuuq'. Xa re' la', chu'nchel i re' xa toq'omb'al pee i koq ruuk' i runimaal ti' k'axik naa ruk'ulariik.

Re' taxaaj i wach ak'al naa rik'iik kiwach. Eh re' i nuq'oral i hin ma' naa ta rik'iik wach korehtaal inooj eloq wach aha' wilik i ruq'or.

ruum ma' k'isiin i naa kik'uliik iloq chi jot'ooj, naa tii chik kikojom kiib' chi re' hin. Re' hin i Cristo, inko'q taqe, eh ma' k'isiin taqe i naakijot'om.

Chi riij i re', re' taq i hat naa taq aye'ariik panti' k'axik, naa taq akanteesjiik, eh chu'nchel i tinamit naa taq kixowaam awach ruum i nunimjiik. Chupaam taqe q'iij re' re', ma' k'isiin taqe i naa ruyojiik kik'ux chi nimanik, eh naa rutohq'iik kixowaam kiwach, k'ul naa rutohq'iik kikojom kimahk chikiwach. Eh ma' k'isiin taqe i naa kik'uliik iloq, naa kikojom kiib' chi jalal ruq'oral i Dios, eh ma' k'isiin taqe i naakijot'om.

Eh re' reh je' wili xuq'or keh: Chawik'raaj taq awiib' ma' awach taq ayeew q'ab' reh chi nee taq tirujot'

Ruum aj re', re' taq i hat, inchol taq ayejaam awiib', ruum ma' k'ahchi' ta taq akapaam noq naa nuk'uliik iloq i hin Ak'uunb'ees nuwii' winaq, inki Jesús.

Je' re' noq re' taq i hat, xa eliik-oq na'lik taq aweh, ruum ma' aweht'al ta taq nik' i ora naa nuk'uliik iloq i hin, i hin taq aaWaJaaw.

Xa re' la', re' ruq'ijil, re' ru orahiil i nuk'uliik, ma' awach ta neht'alinik reh, ni xata re' taqe ánjel wilkeeb' pan taxaaj, ni xata re' hin, Ak'uunb'ees Dios, xa re' wo' hoq Ajaab'ees Dios ineht'alinik reh.

ruum wilik i naa kik'uliik iloq naa kikojom kiib' chi Cristo, wilik naa kikojom kiib' chi jalal ruq'oral i Dios. Ma' k'isiin i ma' ilooj taj naa kia'nam jot'b'al keh i tinamit, eh wilik wo' i rusik'im kiwach i Dios naakijot'om.

Nik' wach i xk'ularik chaloq paruq'ijil i Noé, je' wo' re' i naa ruk'ulariik na' kink'oloq ruka'peech i hin Ak'uunb'ees nuwii' winaq. Chupaam taqe q'iij re' re', noq komajaa' i nujik i ha' chinaah i wach ak'al, wilik i wi'k inki a'n wilik uk'ik inki a'n wilik i kaxáro inki a'n korehtaal xokik chupaam i kanowa paat i Noé. Re' taqe tinamit ma' k'ahchi' ta kikapaam, noq xnujik i ha' chinaah i wach ak'al korehtaal xi kanteesjik chi kunchelaal. Je' wo' re' na' kink'oloq ruka'peech i hin Ak'uunb'ees nuwii' winaq, chi ma' eht'alimaj naa nuk'uliik.