Popular Bible Verses from Juan 20

Share

Eh je' wili i xuq'or keh i raj tahqaneel: Re' i suq kiil k'uxliis wih-oq taq awuuk' Eh nik' wach noq xirutaq'aaj cho ayu' i waJaaw i hin, je' wo' chik re' noq tinutaq'aaj taq reje i hat, inki. Eh re' Jesús xuhupej i ruxlab'al chikinaah, je' wili xuq'or keh: Chak'ul taq i Santolaj Uxlab'al.

Eh je' wili i xq'orarik reh ruum i Jesús: Tomas, re' hat ko xawilow nuwach ruum aj re', xanimaj. Atoob' keh i kinkinimaj chi ma' k'ahchi' ta kilom nuwach inki.

Eh re' i Jesús je' wili i xuq'or reh i Tomas: Chawilow kab'chel i nuq'ab', chamin i ju' aq'ab' paruhopil i kalawux, chamin i ju' aq'ab' chupaam i ruhopil i nujojol. Chanimaj chi xink'aach wo' chik chaloq, hat-oq aj nimaneel, i nuchjik. Eh xrib'iraj i Tomas chi je' re', je' wili i xuq'or reh i Jesús: Hat waJaaw, hat nuDios inki.