Popular Bible Verses from Hag 1

Share

Re' i QaJaaw Dios nim rajaawriik je' wili i xuq'or taq cha weh: Chakapaaj taq riij mi ruk'ul taq i k'ahchi' kaat chi je' re'. Eh nim wo' naq taq i atik i na a'n, xama' xta wo' taq inamol, i na a'n wo' naq taq awa' xama' ti nujik ta wo' taq, i na a'n wo' naq taq ahaa' xama' nik'ik ta wo' taq aachiqchi'iil, i nab'ur wo' naq taq awiib' xama' tiq'ixiinb'ik ta wo' taq. Eh re' taq i tz'aaq akamaj xa q'e' i nik'ik, xa je' pan hoop laj koxtaal taq inayeew.

Hiy la' taq johtoq pantaq rax chee' chak'am taq chaloq taqe i chee' reh chinee taq inayejaa' taqe i yojinaq reh i nupaat, reh chinee suuqb'ik nuk'ux, eh ar taq nee kinaloq'ej. Re' taq i hat k'ih naq i chib'ih taq aweh inasik', eh xa k'isiin wo' taq inareq. Eh re' inamol taq panapaat, xa ruuk' i junhuup chi wuxlaab' inwesaj taq chawach. ¿Chib'ih reet noq i nub'an taq aweh chi je' re'? Ruum re' taq i hat xa re' taq apaat i hat xayejaa', eh re' i nupaat i hin ma' nakapaaj ta taq ruyejeb'jiik, inki Dios.