Popular Bible Verses from Gen 41

Share

Hoo' korik, xa re' la' ma' re' tee hin kinch'ob' wik rub'ehel. Re' hat re' QaJaaw Dios neench'ob'wik rub'ehel aweh chib'ih iraaj ruq'orom aha' wilik inawil panawiriik, inki.

Re' reey je' wili i xuq'or keh i kikamanik ruuk': Re' hoj ma' jaruuj chik neenqareq jino'q i winaq je' rukab' i wili, ruum re' i winaq wili xti wilik i Ruxlab'al i Dios ruuk', inki.

Eh je' wili xuq'or reh i José: Re' hat ma' xta chik jino'q i xti wilik runa'ojb'al chawach, ruum re' Dios inye'wik aweh chi naab'jik taqe na'ojb'al re' re'. Eh re' hat naa akahniik chi ajaab'esil wuuk' panupaat i nub'an wii' taaq'anik. Re' hat naa akahniik chi taaq'anik chinaah i wilkeeb' ayu'. Eh je' wo' chikinaah chu'nchel i nutinamiit. Xa re' wo' hin naa ruwihiik wajaawriik cha naah.

Re' i rukab' i rak'uun x-aasjik, Efraín i rub'ihnaal xukoj, eh je' wili i xuq'or: Yu'naak aj re', xuyeew q'ab' i Dios chi xwihik wak'uun chupaam i ye'aab' wili aha' nuk'ulum wii' i ti' k'axik, inki.

Re' peet rak'uun i José Manasés i rub'ihnaal xukoj, je' wili i xuq'or: Yu'naak aj re', re' Dios x-eesanik panuk'ux i ti' k'axik xnuk'ul, eh xresaj wo' panuk'ux taqe awach weh, inki.