Popular Bible Verses from Gen 21

Share

Re' QaJaaw Dios xub'an wo' ruuk' i Sara aha' wilik i xuq'or reh pampeet.

Re' QaJaaw Dios xrib'iraj i roq'iim i k'isaak'un. Eh kopan taxaaj xq'orob'jik chee Agar ruum i ruánjel i QaJaaw Dios je' wili i xq'orarik cho reh: ¿Chib'ih reet noq ti' ak'ux i hat Agar? Matyo'jik, ruum re' roq'iim aawak'uun k'ahchi' i wilik wii' xrib'iraj chik i QaJaaw Dios. Wukteen reje chak'am chaloq i k'isa awak'uun maawoq'taaj chik chi q'ab'. Re' hin naa nuk'ihaaxb'isam i riih rumaam korehtaal kiponik chi nimlaj tinamit, i nuchjik.

Re' Sara x-aasjik wo' jinaj i k'isa rak'uun ruuk' i Abraham parurijb'iil. X-aasjik wo' i k'isa rak'uun chupaam i q'iij ruq'orom i QaJaaw Dios.

Re' Sara, je' wili xuq'or paruk'ux: Re' QaJaaw Dios i xuyeew rusuqkiil nuk'ux ruum x-aasjik i k'isa wak'uun. Eh awach naa rib'iriniik reh naa wo' rusuuqb'iik ruk'ux i reh.

Re' QaJaaw Dios je' wili i xuq'or reh i Abraham: Maa ti' awik'raaj awak'uun re' re' je' wo' hoq awajpooh. Cha a'n la' aha' wilik i ruq'or aweh i Sara, ruum re' taqe awiih aamaam ruuk' awak'uun Isaac naakik'iaxb'iik.

Re' awak'uun xwihik ruuk' awajpooh naa wo' ruk'ihaaxb'iik korehtaal kiponik chi jinaj nimlaj tinamit. Je' re' i naa nub'anam ruuk' ruum awak'uun wo' hoq.