Popular Bible Verses from Hech 4

Share

Eh ma' awach ta chik jino'q aj uuk' neenkan i ko'lemb'al iib', ruum ma' xta ta chik jino'q i b'ihnaal ayu' wach ak'al chi re' tee reh neen ko'linik qeh, inki Pedro.

Noq xkikohlaaj kitiij taqe aj tahqaneel, kow xk'uyu'jik i ye'aab' kimolom wii' kiib'. Eh chupaam i jumehq' re' re', xokik pan kánima chi manlik i Santolaj Uxlab'al ruuk' i re', xkichop kik'ux chuq'orariik rib'iral i ruq'oral i Dios.

QaJaaw Dios, yu'naak chakoj rehtaal i qayohb'esjiik inki a'n qoh awik'raaj tii chaloq, eh chayeew rukowiil qak'ux i hoj awaj kamanoom, reh chi ma' nee ta qohyo'jik chuq'orariik aq'oral.

Re' Jesús xa a'n taq reh i hat, je' rukab' imb'aan reh ab'aj ma' xponik ta panaq'kiwach i aj yej-an paat. Eh re' Jesús yu'naak, xkahnik chi je' rukab' jino'q ab'aj rukowiil rooq i paat.

Eh noq xkilow taqe i q'atal q'orik chi ma' kiyo'jik ta chi q'orik i Pedro, i Juan, chi ma' ha' ta kitijem kiib', chi ma' nimaq ta kiwach, q'e' xsahchik kik'ux. Eh xkikoj rehtaal chi re' ruuk' taqe chaloq i raj tahqaneel i Jesús.

Re' i ruk'ihaal tinamit i xinimanik ree Dios, xa jinaj chik wach kikapeew, xa jinaj wach kik'ux chikuncheel. Ma' awach ta jino'q chi kixilak inq'orik reh chi xata reh chi rutkeel chib'ih i wilik reh keh la' pankomonil chib'ih jariik i wilik keh.