Popular Bible Verses from 1 Tes 4

Share

Chiriij i re', i ko hoj k'achalkooj na' ponoq i q'iij re' re' hoj junk'amariik naarub'aan johtoq kuuk' i keh nah suutz' chuk'ulariik i QaJaaw Jesucristo panteew. Eh naaqojiik wih-oq ruuk' i QaJaaw pan taxaaj chi juneliik.

Ruum noq naaruqajiik chaloq i QaJaaw Jesucristo pan taxaaj, kow naa rub'anam chee taaq'anik, i Dios ruuk' chii' i k'amal b'eeh ánjel. Eh kow naaruq'ajb'aniik chee rutuun i Dios, eh re' xikimik chi k'ahchi' kinimam i QaJaaw Jesucristo peet naa kukteesjiik chaloq chi k'achlik kiwach.

Re' iraaj i Dios taq awuuk' re' chi naa taq aak'achariik pan santohiil, eh chi maa a'n taq chik aweh i k'oyomal. Eh re' ju'jun chi aj nimaneel choloq k'acharik parukorkiil ruuk' i rehk'een pan santohiil, eh chuk'ax wo' chi korik.

Re' hoj inqanimaj chi re' Jesucristo xkimik, eh xwukteesjik wo' chik cho chi k'achlik wach, je' wo' re' noq inqanimaj chi re' Dios parub'ihnaal i Jesucristo naaruksam taqe chaloq chi k'achlik kiwach xinimanik reh.

Chachop taq ak'ux chi k'acharik pansuqkiil k'uxliis. Eh xa re' taq cha a'n i ajwaal wach taq cha weh. Eh mo'-oq ahl taq aawooq aq'ab' chi kamanik je' rukab' i qaq'orom taq chaaweh.

Re' Dios ma' xusik' ta cho qawach reh i rub'anariik i ch'uwa' wach na'ojb'al. Xusik' la' cho qawach chi k'acharik pan santohiil.