Popular Bible Verses from Jn 2

Share

A jun milagro tic, sch'ox Jesús 'a chon̈b' Caná 'a yol yic Galilea. B'ab'l milagro jun chi 'ix sch'oxli. 'Ixta xyutj sch'oxni, to niwn spoder. Ax eb' scuywum, caw xya'ch eb' sc'ojl 'a 'a.

—Nunin, ¿tas yuj a 'ayn tzala? Mantzac c'och stiempoal in ch'oxn 'el in poder 'a eb' 'anma', xchi Jesús.

'Ix yaln Jesús 'ixtc 'a eb' tz'a'w servil cha: —'A'c b'ut'joc jun tzo'n̈ yet'l a tic yet' a a', xchi 'a eb'. Ax yic xlajw sb'ut'ji, 'ix yaln pax Jesús 'a eb' 'ixtic: —Al ticnec, lechc q'uet jab'oc, tzeya'n 'a win tz'a'n cuenta nupnel tic, xchi 'a eb'. Yuj cha, xya'n eb' 'a winac.

Yuj cha, xyaln 'ixtc 'a ewinac: —Toto tze mac' lan̈chjoc jun yatut Dios tic, ax 'a yoxl c'u, ax sb'ox can wuj jun 'ejm xo, xchi 'a ewinac.

Ax yic 'ix yilni, 'ix sb'on jun ch'an̈ stz'umoc. 'Ix spechn 'elt eb' smasnil 'a yamq'uil yatut Dios, yet' scalnelu, yet' swacax. 'Ix sma'n pax 'elt tzicnjoc stumn eb' jelm tumn 'a sat smexa. Sma'n telwc pax jun tzo'n̈ smexa eb'. 'Ix yaln 'a eb' tzchon̈w parama 'ixtic: —¡'Ijec 'el jun tzo'n̈ noc' tic! A jun yatut in Mam tic, man̈ eya'ch plasil, xchi 'a eb'.