Popular Bible Verses from Zac 9

Share

Axca ti' yalon Jehová: Tzalojanek ex aj conob Sión. Bitnanek yin tzalojc'ulal ex aj Jerusalén. Ilab wal jay e reyal e xol, tojol Cham. A' ok ak'on colbanilej. Yaynakil ok yut ba, ayaj Cham yiban jun no burrito, is yune' jun no txutx burro.

Ok wak' lajwok el is carruaje Efraín, c'al is chej eb bay Jerusalén c'al is julbal eb yet owal. A e rey ok alon el junc'ulal bay masanil nacionlak, cax ok yajawbok bay is ti a' mar, masantac'al bay junxa ti a', chi tojtac'al bay a' Éufrates, masantac'al bay lajubal tx'otx' tx'otx'.

A wal yet jun c'ual tu', a Jehová ok colcan el is conob axca chi yun colon junok ilom calnel no calnel. Toxac'al ok tzekeki yili eb yet Cham bay yul is conobal; axcaxac'al yili ch'en ch'en manxa watx'ilok yili yin junok corona.