Popular Bible Verses from Mt 9

Share

Xan max yal bay eb is cuywom axca ti': —A eb anima ti', tiempoal wal yal-lay k'anej Dios bay eb tinani', axca ixim trigo tiempoalxa pol-layi. Wal yel, xiwil eb c'amtoc'al chi yabej, palta jaywannej pax mac lanan mulnaj xol eb. Yuj tu xin, txajlanek wal bay Cham aj mulnajil, yet watx' chi chektek eb is mulnajwom xol eb, ẍi Jesús.

Asek xin, ojtaknejek el tzet chi yal elapnok jun k'anej yul tx'an Un Tz'ibbilcanok, bay chi yal axca ti': Chi wochej tol chi ok' e c'ul yin e yet animail, yintak pax e yak'on tz'a xajanbal ayin, ẍi. Man yujok ul wawten eb watx' is beybal naoni, xan max in jayi, palta yuj ul wawten eb chi yojtaknej el ba tol yobtakwom, ẍi bay eb.

A yet max yilon oc Jesús eb anima, max cus oc c'ul yin eb, yujtol lajan yayji eb axca junok bulan calnel c'am yilomal. Ayoc eb yin somc'ulal, c'al yin yatakilal max yila'.

Maxc'al yab Cham axca tu xin, cax max tak'witok bay eb axca ti': —K'inalok ta ayic' junok antem anima tinani', tok ay yopiso yuj eb watx' c'ul. Asan eb ya'ay, a eb tu' ay yopiso yuj.

Max ec' Jesús yulak masanil conob, c'al yulak masanil aldea, cax chi cuywajcan yulak nail wajayil eb israel yin culto. Chi yalon el watx' abix yuj tzet wal chi yun yoc anima yul k'ab Dios. Chi yak' c'apax jaycan c'ul eb anima yin tzanc'al tzet ilya'il chi oni.