Popular Bible Verses from Mt 6

Share

Xan ak'ek e yip e yaon oc e ba yul k'ab Cham wal sic'libil, cax watx'c'al che yut e beybal axca wal chi yochej c'ul. Ta ok e yun axca chi wal ti', ok yak' Cham masanil juntzan tzet yetal ti' ayex.

Yuj tu xin, manchak ex oc il yuj tzet ayex yecal, yujtol man e yojtakok tzet ibil oc yuj jun c'u yecal tu', xan maj je' e yoc il. K'okbilc'alnaj che naobtanej yin tzetak yetal ibil oc yuj junjun c'u.

Yuj tu xan chi wal ayex, tol manchak ex oc il yuj e cawil cayti', yuj e lobej c'al yuj e pichil. Ta chi yak' Dios e cawil, ¿tom ato wal e lobej man ok yak'a'? Ta max yak' Dios e mimanil, ¿tom ato wal e pichil man ok yak'a'?

Palta ayex ti xin, a yet chex txajli, ocanektok yul e na, che makchej e puerta, cax chex txajli bay co Mam Dios, Cham ayic' e yetok. Caxc'al c'am mac chi ilon e txajli, ok yabc'alta' Cham, cax ok paktzen Cham e txaj tu'.

Yuj tu xin, caytu' che yut txajlok e ba axca ti': Ach co Mam, tol ay ach ec' bay satcan, mimanokab yelapnok a bi. Jayan ul ak'on yajawilal cayti'. Axcaokab yunen ochwan bay satcan tu', cayokab tu' yunen sat tx'otx' ti'.

Ak' co lobej ok co lo' junjun c'u co k'ana'.

Ak' tan co yobtakil, axca ayon ti' chi jak' mimanc'ulal yin eb ay tzet chon uteni.

Manchak on a cha' ikbelaytok yin yobtakil, cax chon a colon c'apax el yul k'ab jun yajawil yobtakil,*fn* quex chi.

Ta che joc'ay yin e c'ul yobtakil eb ay tzet chex uteni, cax ok ak'lay tan e yobtakil yuj co Mam ayic' bay satcan.

Ilab no tz'iquin, c'am yawoj no', c'am jatx'oj no'. Tok ay tzet chi wajbajcan no', palta a co Mam Dios ay bay satcan chi ak'on lobej no'. Iltax chi yak' lobej no tz'iquin tu', akxam wal ayex ti' tol miman e yelapnok yintak no' yul sat Cham.

Manchak e wajbaj e beyomal yulyibank'inal ti', yujtol chi ijbitok, chi k'uxbitok, ma chi toj yuj elk'om. Yelxac'al watx' tol a bay satcan che wajbaj e beyomal. A bay satcan tu', c'am chi oc yijal, c'am chi k'uxbitok, c'amxa c'apax elk'om chi elk'anentok. Yujtol a bay chi co wajbaj co beyomal, a tu' chi ja c'apaxtok co nabal.

C'am junok mactxel chi je' jun lajanc'al yak'on serbil cawanok patrón, yujtol chi mi yajc'ulnej ba yetok junok, cax chi camc'ulnen ba yetok junokxa. Ay mi junok ay yelapnok yul sat, axa junokxa c'am mi yelapnok yul sat. Yuj tu' xan c'am chi je' tol jun lajan co camc'ulnen jak'on serbil Dios c'al co camc'ulnen ch'en tumin.

Iltax wal xiwil watx'il yili an xumac tu' yuj Dios. Tol watx' yili an tinani'; axa yecal xin, chi takilok, axa yet taknakxa elok, cax chi tz'a'i, ¿tom ayexto wal, man ok ex pichlay yuj Cham? ex c'am wal che yaoc Dios yin e c'ul.

A pax ex xin, aokab yet che yak'on jabok tzet yetal bay eb meba', maj je' e yalon bay anima. Caxc'al a bay mac yelxac'al watx' e yak'on yetok, maj je' e yalon bay. Ak'ek e sabal tu' yin ewantakil. Caxc'al yin ewantakil che yak'a', palta chi yil co Mam Dios, xan ok paktzej ayex.

Xe yil c'al e ba, manokab asannejok satak eb anima, watx' che yut e ba. Ta asannej satak eb watx' che yut e ba, c'am jabok paktzil ok e cha' bay co Mam ayic' bay satcan.

A yet chex oc yin c'ajbanc'ulal, manchak e yut e ba axca eb cabsat. Yujtol a eb tu', cusiltakxac'al chi yut eb sat, yet watx' chi txecloj el satak anima tol aynaj oc eb yin c'ajbanc'ulal. Wal yel chi wal ayex, tol a ton yuj chi il-lay eb yuj eb anima tu', a ton chi oc is paktzilok eb, xan c'amxa paktzil eb ok cha' bay Dios. Palta ayex ti xin, a yet chex oc yin c'ajbanc'ulal, mixnajanek, cax che ch'ichontok e xil, yet watx' c'am chi nachaj el yuj anima ta ayex oc yin c'ajbanc'ulal. Axca tu xin, asan co Mam Dios ojtaknej tol ay ex oc yin c'ajbanc'ulal, ok paktzej Cham e c'ajbanc'ulal tu'.