Popular Bible Verses from Mt 27

Share

Ac'aloc yet a las tres tu', max aj yaw Jesús yin ipejal: Elí, Elí, ¿lama sabactani? ẍi. (Chi yal elapnok: Ach in Diosal, ach in Diosal, ¿tzet yuj xan chin a bekcanok?)

Yet wal jun bek tu', max ay nic'naj nan an k'ap ayoc makilok yul nan templo Dios. Max chaaytek tit nic'naj chon, masantac'al max ayol tilak. Ay c'apax jun miman quixcab max eq'ui. Ay juntzan ch'en mimek ch'en max jatcan aj yuj. Ay c'apax ch'en ch'en bay mukan octok eb camnak max jakchaji, xan xiwilxa eb creyente camnakxa max ictzoj ajok.

Max el yaw Jesús junelxa yin ipejal, cax max cami.

A yet max yaben cham capitán, c'al eb soldado chi taynen Jesús yec' jun quixcab tu', c'al juntzanxa tzet max uj tu', caw wal max xiwaj eb, max yalon eb axca ti': —A jun max cam ti', tita' tol yel caw C'ajol Dios, ẍi eb.

Chuman wal c'u, max k'ekbi masanil yulyibank'inal, masantac'al yet a las tres.

—¿Palta tzet ok wut pax Jesús, jun chi ali Cristoal? ẍi. —Curusnelayokabi, ẍi eb masanil. —¿Tzet yetal junok yob max say yun max e yil xin? ẍi bay eb. Palta tol max te'xac'al aj yaw eb yaloni: —Curusnelayokabi, ẍixac'al eb.