Popular Bible Verses from Mt 23

Share

Tzanc'al mac bekanc'al c'ul yoc mosejal e xol, a ton jun tu' yelxac'al miman yelapnok.

Tzanc'al mac chi yiaj can ba, ok utlay yin yaynakilal, axa eb chi yi aytek ba, a ton eb tu' ok ilay can.

Ex meẍtol yin ley Moisés, c'al ex fariseo, caw ok'bal ex c'ul. Cabsat ex. Che yak'naj is diezmoal an alawen, an aniẍ, c'al an comino, palta juntzan chekbanil Dios miman yelapnok, tok che yikej, a ton wal juntzan chekbanil chi aloni, tol yowalil watx'okab chi jut co ba, chi ok' co c'ul yin jet animail, cax chi jun tzet chi jala'. Palta ilab c'am yelapnok juntzan ti' yul e sat. Matawal tol che yikej juntzan ti', cax che yiken pax juntzanxa tu'.

Ex meẍtol yin ley Moisés c'al ex fariseo, caw ok'bal ex c'ul. Cabsat ex. Ayex ti' lajan ex axca junok mactxel asan yin vaso, c'al yin plato chi tx'ajilok, palta yul, caw wal tz'iltak. Axca ton tu' ayex ti', caw wal watx'xac'al che yut e ba satak anima; palta axa yin ewantakil xin, toxac'al chex oc beyomal yuj e yetnen anima yuj e yak'on yochwan e pek'al.

¡Ay…, a wal ayex ti' ex aj Jerusalén! ¡Che mak' wal cam eb chekbej Dios, axa juntzanxa eb chekbiltek yuj Cham e nan e xol, che k'okch'ennej eb! Xiwil el max wochej max quex wawtejtek ayin, axca junok no caẍlan chi k'uttejtek yune', cax chi mojoni, palta maj yal e c'ul.

Cayex wal ton tu xin, yujtol a yul sat eb anima, watx'naj che yut e ba; palta caw cabsat ex yul e c'ul, cax caw ay e yobtakil.