Popular Bible Verses from Mt 2

Share

Max apni oc eb bay na bay ayic' nak unin tu'. Max yilon oc eb yin nak yetok is txutx, a ton María. Axa yay jajan eb bay jun unin tu', max yion ay ba eb bay. Max lajwi tu xin, axa jakon eb c'uanbalil is sabal tu'. Max sa' can eb oro bay jun unin tu'. Max saon c'apax can eb jun makan te' incienso,*fn* c'al jun makan yal te' suk'uk'i c'apax jab chi yik mirra.*fn*

A bay jun conob chi yik Belén yul yet Judea, a tu' max alji Jesús. A yet jun tiempoal tu', a cham Herodes ayoc reyal bay Judea tu'. A yet max alji Jesús, max tit juntzan eb mago*fn* bay yichcan. Max jayoc eb bay Jerusalén. Max k'anlej eb: —¿Baytal ay jun winak unin max alji, jun tol ok oc e reyalok ayex Israel ex ti'? A bay chi ajol c'u, ata tu' max jil yajol jun waycan, jun max tx'oxon yaljubal jun unin tu' ayon. Yuj tu' xan max on tit ul jaon ay co ba bay, ẍi eb.

A yet max yilon eb jun waycan tu', caw wal max tzaloj aj eb.

Catatu xin, max al-lay bay eb yin wayichejal tol manchak ec' yal eb bay Herodes baytal ayic' nak unin tu', xan tx'okxa beal max yi' eb yet max meltzoj eb bay is conob. Maxc'al pax eb mago xin, max tx'oxon aj ba jun yángel Cham Jajawil bay José yin wayichejal, max yalon bay axca ti': Lim, ajan wanok. Itok nak unin yetok is txutx, cax chex toj bay Egipto. Ayjanek ec' bay tu', masantac'al ok wal ayach, cax chex meltzoji, yujtol a Herodes ok ak'on saylay jun unin tu', yujtol chi yochej chi yak' camok, ẍi jun ángel tu' bay.