Popular Bible Verses from Lc 9

Share

Max lajwi tu', max yalon bay eb masanil axca ti': —Ta ay mactxel chi yochej chi ec'c'al cuywok wintak, yowalilokab manxa yetok ba yul yet. Yabokab eb yail wuj junjun c'u, caxc'al chi alay oc eb yin curus. Ta bekan c'ul eb axca tu', ec'okabc'al eb cuywok wintak.

Yujtol a eb c'am chi yochej chi cam bay yulyibank'inal ti', chi bekil eb jun k'inalej tol ayc'al yin tojbalk'inal. A pax eb chi bek c'ulok cam wuj xin, a ton eb tu' ok chaon k'inalej tol ayc'al yin tojbalk'inal.

Palta max yal Jesús bay axca ti': —K'inalok ay junok winak chi mulnaj yetok wacax tinani', chi oc mitx'an yin ch'en t'ocbal tx'otx', lajwi tu', chi tojc'al t'anan nak yintak. Ta ay mac caytu' yak'on is nabal yin yet Dios, man mojok chi oc yin is mulnajil Cham, ẍi Jesús.

K'inalok ta ay mac chi uj yion masanil tzet ay yulyibank'inal ti', palta ta chi cami, ma chi etax elok, ¿tzet wal chi yi' yin axca tu'?

Ta ay mac chi q'uixwi aj wuj, c'al yuj in k'anej, ok in q'uixwok c'apax aj yuj eb, ayin Chekbilintek yuj Dios xol eb jet animail ti', yet ok in jay ul wak'on Reyal. A yet tu' ok in jay yetok mayk'ak'al in Mam, c'al yetok mayk'ak'al eb is yángel tol sic'bil el yuj.

Max yalon Jesús bay axca ti': —A no wax, ay is nach'en no', c'al no tz'iquin, ay is wayub no', palta ayin ti', caxc'al Chekbilintek yuj Dios xol eb jet animail, palta c'am jabok watut bay chin wayi, ẍi bay.

Axa yalon bay eb is cuywom tu' axca ti': —Tzanc'al mac chi chaon junok unin axca jun unin ti', yujtol wet, axca tol ayin chin is cha eb. Man asannejok in chin is cha eb. Chi cha c'apax eb Cham cheknejintek. A mac yelxac'al chi yiay ba e xol, a ton jun tu' yelxac'al miman yelapnok, ẍi bay eb.