Popular Bible Verses from Jn 15

Share

Ayin ti', axca txutxal uva, cayin tu'. Ayexxa xin, axca k'ablak ex. A mac ayc'al oc win, ayin c'apax oc yin, a jun tu' xiwil tzet watx' chi txecloj el yin axca junok te' xiwil sat chi yak'a'. Ta c'am in oc e yin, c'am jabok tzet chi je' e yuj e tx'oklil.

Ayjanekc'al oc win. Ayinxa ok in ayjokc'al ec' e yin. Axca junok k'ab an chi el yin is txutxal, c'amxa chi je' satni, cay c'apax tu' che yunej, ta c'am chex ayjic'al ec' win.

Ta chex ayjic'al ec' win, cax ayc'al oc e c'ul yin in k'anej, k'anek tzet chi yochej e c'ul, cax ok ak'lay ayex.

Mayexnak max quin e siq'uilok, palta tol ayin max ex in siq'uilok. Max waon oc e yopiso yin e yunenc'al wochwan, xan a tzet che yun tu' chi ayjic'al ec' yin tojbalk'inal. Yuj tu' xan jantakc'al tzet ok e k'an bay co Mam Dios ok yak' ayex yujtol wet ex.

Ta ay junok mac chi yak' ba cam yuj junok yamigo, c'am junokxa mac ec'ban is camc'ulal yintak jun mactxel tu'.

Ta ay an k'ablak c'am chi satni, a' ayoc yion elok. Ta ay an k'ablak watx' satni, a' ayoc yion el is takinal, yet watx' chi texac'al satni. Axca chi yut watx'nen el nak an tu', caytu' chi yut watx'nen el in Mam eb chi ayji oc win.

A tinani', ay jun in chekbanil ok wak'can ayex, tol che camc'ulnelej e ba axca chex wut in camc'ulneni.

Ta xiwil tzet watx' chi txecloj el e yin, cayton tu' ok e yut e tx'oxk'abnen elok tol miman yelapnok in Mam. Cay c'apax tu' ok e yut e tx'oxk'abnen elok tol in cuywom ex.

Axa yalon Jesús bay eb is cuywom axca ti': Ayin chin is tx'ox jun acaw uva. Axa jun winak chi ilwi uva tu', a in Mam chi tx'oxtek.*fn*

A pax eb c'am chi ayjic'al ec' win xin, lajan ok yun yeloc eb axca junok k'abej chi ilay el yin is txutxal; chi takajok, chi lajwi tu', chi wajlay ajok, cax chi tz'a'i.

Chi walcan juntzan ti' ayex, yet watx' axcaokab in tzaloji, cayokab tu' e tzaloj c'apaxok, cax chi tz'aknajxac'al el e tzalojc'ulal.

Ta che yikej in chekbanil, ok ex ayjokc'al ec' yin in camc'ulal ti', yujtol caytu' wak'on yetok in Mam; chi wikej is chekbanil, yuj tu' xan ayinc'al ec' yin is camc'ulal.

A ton jun chekbanil ti' chi wak'can ayex, tol che camc'ulnelej e ba.

K'inalok ta yet ex yulyibank'inal ti' yetok eb, tekan chex camc'ulnej eb; palta mayexxa yetok yulyibank'inal ti', yujtol toxa max ex in siq'uil xol eb. Yuj tu' xan chi chichon oc c'ul eb e yin, yujtol manxa e yetbiok e ba yetok eb.