Popular Bible Verses from Hch 5

Share

Axa tak'wi Pedro tu' yetok juntzanxa eb is chekbej Jesús axca ti': —Yowalil tol a tzet chi yal Dios chi jikej. A pax tzet chi yal anima xin, ta c'am chi chalej ba yetok tzet chi yal Dios, c'am chi jikej.

Maj bek eb yalon el yabixal Jesucristo junjun c'u. Pilan max ec' yal eb bay yamak'il templo Dios, c'al bay xolak na.

Axa yalon Pedro bay Ananías tu': —Ananías, ¿tzet xan max a chaoc nak diablo yin a c'ul xan chak' lek'tial bay Cham Espíritu Santo, cax max a mitx'on oc tojol a tx'otx' tu'? A yet c'amto cha txon tx'otx', yel et tx'otx'. Ac'ala' yet mayal a txon tx'otx', et c'apax tojol tx'otx' tu'. Yuj tu' xan, ¿tzet xan max a na' jun tzet man watx'ok ti' axca ti'? Man animaok bay chak' a lek'tial ti', palta a bay Dios chak' lek'tial, ẍi Pedro bay. Lajwic'al yaben Ananías tu' juntzan ti', axa yec' poc'naj tu', cax max cami. A masanil eb max aben k'umal jun tzet max uj tu', caw wal max xiwaj eb sic'libil.

Yuj tu xin, xan chi wal e yabej: Co bekek jetnen eb nak ti', yilxa eb nak. Ta yet anima jun bay ayoc eb ti', munilc'al ok yak' lajwok ay ba. Palta ta yet Dios xin, maj je' jak'on lajwok. Ay is may, axa talaj chi yunajok, axa yetok Dios lanan jak'len owal, ẍi cham bay eb.