Popular Bible Verses from Mt 8

Share

—¿Tas yuj tzex te xivi? Te teveln̈ej tzeyac'och Dios d'a e c'ool, xchi d'a eb'. Ix lajvi chi', ix q'ue vaan. Ix scachanoch vaan jun ic' chi' yed' a' n̈ajab' chi'. Yuj chi' ix numc'aj smasanil.

Ix yalanxi vin̈ d'ay: —Palta Mamin, man̈ smojoc a c'och d'a in pat. Ton̈ejocab' tzala', sb'oxican jun vin̈ in checab' chi'.

Axo ix yab'an juntzan̈ chi' Jesús, ix sat sc'ool yab'ani. Yuj chi' ix yalan d'a eb' ajun yed'oc: —Val yel sval d'ayex, manta junoc eb' quetisraelal svil yac'anoch sc'ool d'a Dios icha jun vin̈ tic.

Ix lajvi chi', ix yalanxi d'a vin̈ yajal soldado chi': —Paxan̈ d'a a pat. Icha val tzutej ac'anoch Dios d'a a c'ool, icha pax chi' ol aj sb'o d'ayach, xchi d'a vin̈. Axo jun vin̈ schecab' vin̈ chi', a val d'a jun rato chi' ix b'oxican vin̈.

Ix te sat sc'ool eb' sic'lab'il. Ix laj yalan eb' junjun: —¿Tas val yaj jun vin̈ tic? Inai ix c'anab'ajax vin̈ yuj ic' yed' a' n̈ajab' tic, xchi eb'.