Popular Bible Verses from Rom 5

Share

Pero in tzaj tyec'un Dios ka at tc'ujlalil ki'j, tu'nju o cyim Crist te kxel tej aj ilxtok ko'.

ex tu'nju k'ukl kc'u'j ti'j Dios, mlay ko el tuj kch'ixwi; porque in kna'n tuj kanmi aju tc'ujlalil Dios ki'j tu'nju Xewbaj Xjan tzaj tk'o'n ke.

Ex mya nok o'cx jlu; ax icx in ko tzalaj tuj yajbil ke, porque ba'n ku'n, aju yajbil ke in tk'o'n kpasens tu'n tic'x ku'n; ex tu'n kpasens, cyuw kten tu'n tic'x ku'n; ex tu'nju nnic'x ku'n, mas in ke' kc'u'j ti'j Dios

Cyja'tzun ma ko oc te tz'aklxix tu'n Dios nok tu'n kocslabl, ex ma bant kten tuc'il Dios nok tu'n Kajaw Jesucrist. Ma tzaj tk'o'n Dios t-xtalbil ke nok tu'n Jesucrist, porque ma ko ocslan ti'j, ex wa'l ko'xix tuj t-xtalbil, ex in ko tzalaj tu'nju k'ukl kc'u'j ti'j tu'n kten tuc'il Dios tuj tajwalil.

Porque tej minti'tok kipun tu'n kclet ku'nx kib, cyja'tzun cyim Crist tu'n klaj tujxix tk'ijlalil, porque aj il ko'.

Ic tza'n ma ko oc k'o'n te tz'aklxix tu'n Dios tu'nju cyim Crist, cyja'tzun mas in ke'xix kc'u'j ti'j, ko cletel tu'n oc ttzaj cycastiw xjal tu'n Dios.

Porque ic tza'n e oc nimcu xjal aj il nok tu'n tlaj jun xinak minti' xi tniman tyol Dios, ax icxtzun nimcu xjal oc che oquel te tz'aklxix tu'n Dios nok tu'n jun xinak xi tniman tyol Dios.

Ex mya o'cx jlu; ax icx nim in ko tzalaj ti'j Dios tu'n Kajaw Jesucrist, porque tu'n Crist ma bant kten tuc'il Dios.