Popular Bible Verses from Marcos 7

Share

Porque tuj cyanmi xjal in jatz cyximbetz mya ba'n, tu'n cybinchante aj pajil, tu'n cyyaẍin, tu'n tcub cybyo'n jun xjal, tu'n cyelk'an, tu'n tpon cyc'u'j ti'j nimcu, tu'n cybinchante mya ba'n, tu'n cysbun, tu'n mi'n cyjac'unte cyib, tu'n ttzaj tlo'ch cyc'u'j, tu'n tbant jun simj yol, tu'n cyoc puro jawni ke, ex tu'n cyoc minti' cynabl. Tcyakil jlu mya ba'n tuj tanmi xjal in jatz, ex in tz'ilix tuj tanmi xjal tu'n, chi Jesús cye.

Aju in xi' tu'n xjal, mlay tz'ilix tuj tanmi tu'n, atzunju in jatz tuj tanmi xjal, atzunju in tz'ilsante tuj tanmi xjal.

Xi ttzak'we'n Jesús: —Xmletz' keye, ax toc aju o tma Isaías cyi'je, aju t-sanjel Dios, ic tza'n tz'iban tuj Tu'jil, porque chi Isaías tuj Tu'jil: Ke xjal lu nok tu'n cytzi' in chin nimanjtze cyu'n, atzunju cyanmi najchak ta' wi'je.

Nokx gan in che c'ulun nwitze, porque aju xnak'tzbil in cyk'o'n, cymandamyent xjal, chi Isaías.

Porque in cyaj cyk'o'ne aju tmandamyent Dios, atzunju cyaj bant ti'j cyu'n xjal atzunju in bant cyu'ne, tu'n cytx'jet ke xar cyu'ne ex ke vas; ex nimcu txkantl in cybincha'ne ic tza'n ke jlu.