Popular Bible Verses from Marcos 12

Share

Xi ttzak'we'n Jesús: —Aju tnejel mandamyent cyxol cycyakil, atzun jlu: Cybintze akeye aj Israel, ate Kman Kdios, o'cxcu junx. Cyc'ujlamtzune Kman Dios tu'n tcyakil cyanmiye, tu'n tcyakil cyc'u'je, tu'n tcyakil cynable, ex tu'n tcyakil cyipumale. Atzun tnejel mandamyent jlu ma'xix toclen. Ex aju tcabin mandamyent icx tten ic tza'n tnejel, atzun jlu: Cyc'ujlame ke cyuc'ile ic tza'n cyeye in cyc'ujlan cyibe, chi tuj Tu'jil. Minti' juntl mandamyent mas nim toclen cywitz jlu, chi Jesús te.

E tzajtzun ttxco'n Jesús ke t-xnak'tzben ex xi tma'n cye: —Ax toc cxel nma'ne cyeye, aju meba xu'j lu tal yajxix, mas nim ma cu'x tk'o'n cywitz cycyakil keju ma cu'x cyk'o'n cyoyaj tuj c'ubl pwak; porque cycyakil ke jlu ma cu'x cyk'o'n aju in cyaj sobryin cye; atzunte xu'j lu masque tal yajxix, pero ma cu'x tk'o'n tcyakilju at tajbenil twi twa, chi Jesús cye.

Ex cub ke' Jesús ttxlaj c'ubl pwak tuj tja Dios, in que'yin ti'j tej tcu'x cyk'o'n xjal cyoyaj tuj c'ubl pwak, ex nimcu k'inun cu'x cyk'o'n nim pwak. Ax icx pon jun meba xu'j, tal yajxix, cu'x tk'o'n cabe tal sentav.

Ex aju tu'n kc'ujlante Dios tu'n tcyakil kc'u'j, ex tu'n tcyakil knabl, ex tu'n tcyakil kanmi, ex tu'n tcyakil kipumal, ex tu'n kc'ujlante ke kuc'il ic tza'n ke in kc'ujlan kib, mas ma' toclen jlu twitz tcyakil oyaj in cub patit tibaj altar ex twitz tcyakil oyaj in xi k'ot te Dios, chi xnak'tzal ti'j ley.

Xitzun tma'n Jesús cye: —Pues cyk'onxe te gobierni aju te gobierni, ex cyk'onxe te Dios aju te Dios, chi Jesús cye. Ex e jaw labinxix ti'j tyol.