Popular Bible Verses from Lucas 8

Share

Aju tbanil tx'otx' jatum cub tz'ak ju iyaj, atzun in yolin cyi'j xjal in xi cybi'n tyol Dios, porque ba'n cyanmi ex tz'aklxix, atzun cucx in xi cyc'u'n ju yol ex in tk'o'n twitz ju iyaj cyuj.

Aju tx'otx' at ch'i'x c'ul tuj jatum cub tz'ak ju iyaj, atzun in yolin cyi'j xjal in xi cybi'n tyol Dios, pero cheba in xc'ost iyaj cyuj tu'nju in baj cyc'u'j ti'j nimcu, ti'j cyk'inumabl ex ti'j cyachbil, ex minti' in witzan iyaj cyuj.

Aju pc'at jatum cub tz'ak ju iyaj tibaj, atzun in yolin cyi'j xjal in xi cybi'n tyol Dios ex in che tzalaj ti'j; pero minti' tloc' iyaj cyuj; nok te nic'xi cabe k'ij in xi cyocsla'n, octzun tul joybil cyi'j nne'l cypa'n cyib.

Xitzun tma'n cye t-xnak'tzben: —¿Jatumtzun ta' cyocslable? Atzun cye tzaj nim cyxobil, ex in che labin ti'j, ex cyma cyxolx: —¿Alcyetzun ju xjal lu? Porque tuc'ix cyk'ik' ex a' in xi cyniman tyol, che chi xnak'tzben.

Aju be jatum cub tz'ak ju iyaj, atzun in yolin cyi'j xjal in xi cybi'n tyol Dios, pero jurat nnu'l tajaw il ex nne'l ti'n tyol Dios tuj cyanmi, tu'n mi'n t-xi cyocsla'n ex tu'n mi'n cyclet.

Porque tcyakilju at tuj ewaj ctzajel yec'un, ex tcyakilju ewan, c'elel tuj k'ancha'l.

Tej tque'yinte xu'j ka otok tz'el tnic' Jesús ti'j, ul in lu'luntok, cub ẍmeje' t-xe tkan Jesús, ex xi tma'n cywitz cycyakil xjal tiku'n oc tmaco'n, ex tza'n tten banix te jurat naj. Xitzun tma'n Jesús te: —Nme'jel, tu'n tocslabla ma banta, txi'ya tuj tzalajbil.

E pontzun lak'e' c'asul te Jesús, ex xi cyma'n te: —Xnak'tzal. Xnak'tzal. Ch'ix knaj. Jawtzun we' Jesús, ex xi tmayo'n cyk'ik' ex tipumal a'; ex jurat we', ex bi'x taque'.