Popular Bible Verses from Juan 6

Share

Xitzun tma'n Jesús cye: —Akine wabj tu'n tten cychwinklale; aju ma tzul wuc'ile mlay tzaj we'yaj ti'j; ex aju ma tz'ocslan wi'je, mlay tzaj txketle'n ti'j.

Ate T-xew Dios k'olte chwinklal; atzunju kximlal minti' tajben. Aju yol ma txi nma'ne cyeye, in yolin ti'j T-xew Dios ex in tk'o'n chwinklal.

Mi'n che ak'nane ti'j ju wabj in baj, o'cx che ak'nane ti'j ju wabj mlay baj ex in tk'o'n cychwinklale te jumajx. Atzunju wabj lu cxel nk'o'ne cyeye, akine sc'o'maj kine tu'n Dios tu'n ntene cyuc'il xjal, porque ma tzaj k'o'n woclene tu'n Dios aju Nmane, chi Jesús.

Ex atzun jlu tajbil ju tzaj samante weye, tu'n tten cychwinklal te jumajx cycyakil keju in che que'yin wi'je ex in che ocslan wi'je, akine C'wa'lbaj; ex che jawil ank'in wu'ne tuj mancbil tk'ijlalil, chi Jesús xi tma'n cye.

Xitzun ttzak'we'n Jesús: —Atzun ak'untl jlu in tma'n Dios tu'n cybinchanteye: Che ocslane wi'je, akine ma chin tzaj sama'ne tu'n Dios.

Cycyakil keju in che tzaj tk'o'n Nmane weye in che ul wuc'ile; ex alcye keju ma che ul wuc'ile mlay che ex nlajo'ne.

Pero xi ttzak'we'n Simón Pedro: —Tat, ¿al uc'il ko xe'le? O'cx aya at yol tuc'ila in tk'o'n chwinklal te jumajx.

Akine wabj k'ol chwinklal ma chin cu'tze tuj cya'j; ka ma txi twa'n jun xjal wabj lu, c'ank'il te jumajx; ex aju wabj cxel nk'o'ne, atzunju nchibjale cxel nk'o'ne tu'n tten cychwinklal xjal.

Mlay tzul jun xjal wuc'ile ka mya tu'n Nmane sul k'i'n, aju tzaj samante weye; ex cjawil ank'in wu'ne tuj mancbil tk'ijlalil.

Porque aju wabj in tzaj tk'o'n Dios, atzunju ma cu'tz tuj cya'j ex in tk'o'n cychwinklal xjal, chi Jesús.

Akine wabj tu'n tten cychwinklale.

Tzajtzun ttzyu'n Jesús ke wabj, xi tk'o'n chjonte te Dios, xi t-sipan cye t-xnak'tzben, atzun cye t-xnak'tzben xi cysipan cye xjal k'ukl ke'tok. Ax icx xi cysipan ke tal cyiẍ nok nic'pun tu'n tbaj cyu'n. Tejtzun cybaj noj ke xjal, xi tma'n Jesús cye t-xnak'tzben: —Cychmo'nctze ke ttx'akan wabj ma cyaj sobryin, tu'ntzun mi'n tnaj ch'in.

Balo otok che ic'x jwe' kilómetro tibaj laguna ex ka kak, o cyil in bettok Jesús tibaj a' ex cyja'tok tpon lak'e' ttxlaj barc; tzajtzun cyxobil. Atzunte Jesús xi tma'n cye: —Akine, mi'n che xobe.