Popular Bible Verses from Juan 21

Share

Tejtzun cybaj wa'n, xi tkanin Jesús te Simón Pedro: —Aya Simón tcy'ajal Jonás, ¿maspe c'ujla'n kine tu'na ic tza'n cye jlu? Chi Jesús. —C'ujla'na wu'ne, Tat; ba'n tu'na ka c'ujla'na wu'ne, chi Pedro. Xitzun tma'n Jesús te: —Che tcwentin oca ke tal nẍne'le. Xitzun tma'n Jesús te tcabmaji'n: —Aya Simón tcy'ajal Jonás, ¿c'ujla'npe kine tu'na? —C'ujla'na wu'ne, Tat; ba'n tu'na ka c'ujla'na wu'ne, chi Pedro. Xitzun tma'n Jesús te: —Che tcwentin oca ke nẍne'le. Xitzun tma'n te toxinmaji'n: —Aya Simón tcy'ajal Jonás, ¿c'ujla'npe kine tu'na? Tzajtzun tbis Pedro tu'nju tzaj k'ma'n te toxinmaji'n: ¿C'ujla'npe kine tu'na? Xitzun ttzak'we'n: —Tat, tcyakil ba'n tu'na; ba'n tu'na ka c'ujla'na wu'ne. Xitzun tma'n Jesús te: —Che tcwentin oca ke nẍne'le.

Ax toc cxel nma'ne teya, tej matok cu'xuna, oc tc'alo'n tc'u'ja, ex xi'ya nok jatum tajbila; octzun ttijina, cjawil ti'n tk'aba, ex c'oquel c'alo'n tc'u'ja tu'n juntl, ex cxel k'i'na jatum mya tajbila tu'n t-xi'ya.

Xitzun tma'n Jesús cye: —Cyk'oncu'xe xyub tuj a' ttxlaj barc tuj bank'abaj, cneteltzun cyiẍ cyu'ne, chi cye. Cu'xtzun cyk'o'n ju xyub, ex ya minti' bant tu'n tjatz cyu'n tu'nju nim cyiẍ otok tzyet cyu'n.

Xitzun tma'n Simón Pedro cye tuc'il: —Ma chinx weye tzyul cyiẍ. Atzun cye tuc'il xi cyma'n te: —Ax icx keye ma ko'xe tuc'ila. E je'xtzun ex e ocx tuj jun barc; pero ex ak'bil cyu'n ex minti' jun cyiẍ tzyet cyu'n.