Popular Bible Verses from Santiago 1

Share

Akeye wermaniye, ka ma tzaj junxilchak joybil cyi'je, tz'ocwit te nim tzalajbil cyeye. Porque ba'n cyu'ne, ka ma che malonjtze tuj cyocslable, ctel mastl cypasense tu'n tic'x cyu'ne.

Ka at jun cyxole atx taj tnabl, kaninx tnabl te Dios, ex ctzajel tk'o'n Dios tnabl; porque ate Dios nimxix in tzaj tk'o'n cye cycyakil ex minti' in ilin.

Cyja'tzun erman akeye at nc'u'je cyi'je, cycyakile ba'n tu'n t-xi cybi'n naje ju yol, pero mya jurat naj tu'n cyyoline, ex mya jurat naj tu'n cyjaw cyakpaje.

Tz'oc tililx cyu'ne tu'n tten cypasense cabalxix, tu'n toc cynable ex tu'n cytene minti' cypaltile, ex minti' jun atx taj cyeye.

Cynimanxe ju yol, ex mya nok o'cx tu'n cybinteye, porque ka o'cx in xi cybi'ne ex minti' in japun cyu'ne, in cysbun cyibe.

At tzalajbil teju xjal ka ma tzic'x tu'n oc toc tuj joybil ti'j; porque ka ma tzic'x tu'n, oc tc'ma' jun oyaj tu'n tten tchwinklal, aju tzaj tma'n Dios tu'n ttzaj tk'o'n cye keju in che c'ujlan te.

Tcyakil oyaj ba'n ex tcyakil oyaj tbanilxix, atzun in cu'tz tuj cya'j, atzun in tzaj tuc'il Dios aju binchal cye spic'un ate' twitz cya'j. Minti' in tch'expu'n Dios tnabl, ex mya ic tten Dios ic tza'n jun xlecun in bet.

Ka at jun o'cx in xi tbi'n ju yol ex minti' in japun tu'n, ic tten ic tza'n jun xjal nno'cx tque'yin twitz tuj jun respej. Porque oc tbaj tque'yin twitz in xi'tzun, ex bi'x nnic' tna'l tu'n tza'n que'yin.

Aju ajbebl twitz Kman Dios sakxix ex minti' tpaltil, atzun jlu: tu'n konin cyi'j c'wa'l minti' cyman ex cyi'j meba xu'j tuj yajbil cye, ex tu'n toc kcwentin kib tu'n mi'n ktz'ilix cyxol xjal.

Ka at jun xjal ma tz'oc tuj joybil ti'j tu'n tbinchante aju mya ba'n, mi'n tma ka tu'n Dios ma tz'oc tuj joybil ti'j; porque mlay bant tu'n toc Dios tuj joybil ti'j tu'n tbinchante aju mya ba'n, ex mi jun nno'c tuj joybil ti'j tu'n Dios. Pero teyle junjun nno'c tuj joybil ti'j, ax tnabl in xmoxin te tu'n tpon tc'u'j ti'j ju mya ba'n, ax tnabl in sbunte te.

Aju erman tal yaj, tzalajx tu'nju cjawil nimsa'n tu'n Dios