Popular Bible Verses from Hebrey 11

Share

Tu'n kocslabl in ke'xix kc'u'j ti'j tu'n kc'monte aju in ko ayon ti'j, ex tu'n kocslabl in ke'xix kc'u'j ti'j ka axix toc aju minti' k'ancha'l. Ke xjal e ten ojtxi, nok tu'nju at cyocslabl o yolin Dios cyi'j ka ba'n ke.

Pero ka minti' kocslabl mlayx tzalaj Dios ki'j, porque ka taj xjal tu'n tpon lak'e' ttxlaj Dios, ilxix ti'j tu'n tocslan ka at Dios, ex ka a Dios in tzaj k'onte jun oyaj cye keju in che jyon ti'j.

Tu'n kocslabl nne'l knic' ti'j, tcyakilju at o bant tu'n tyol Dios; cyja'tzun tten, tcyakilju k'ancha'l ja'lo minti' ajben jun ti'xti k'ancha'l tu'n tbant.

Tu'nju at tocslabl Abraham xi tniman ju txocbil te tu'n Dios tu'n tetz tuj ttanmi, tu'n tpon tuj jun lugar jatum tu'n tc'monte jun tetzbil. Etztzun minti' ba'n tu'n jatum tu'n tpon. Tu'nju at tocslabl Abraham o ten tuj ju tx'otx' tzaj ttziyan Dios te, ic tza'n nok te tposad tuj cytx'otx' junxitl xjal, ex o ten tuj jun ja xbalun ja tuc'ix Isaac ex tuc'ix Jacob, ax icx cye at cyoclen ti'j ju tx'otx' tzaj ttziyan Dios.

Tu'nju at tocslabl Noé tzaj k'ma'n te tu'n Dios ti'j ju na'nxtok tyec'unjtz, ex tu'nju at tchi Dios tuj twitz tbincha Noé jun matij barc jatum tu'n cyclet keju ate' tuj tja. Ex tu'n tocslabl Noé cub cysentens cycyakil xjal, ex oc k'o'n Noé te tz'aklxix tu'n Dios nok tu'n tocslabl.

Tu'n tocslabl Enoc aj k'i'n ex minti' cyim, ex minti' cnet porque ax Dios aj k'inte; ex na'nxtok taj k'i'n in tma'n tuj Tu'jil ka o tzalaj Dios ti'j.

Tu'n tocslabl Abel xi tk'o'n jun oyaj te Dios, mas ba'n oyaj lu twitzju oyaj xi tk'o'n Caín; ex tu'n jlu o yolin Dios ti'j ka tz'aklxix Abel, ex ba'n e'la tuj twitz Dios aju oyaj xi tk'o'n; cyja'tzun, masque o cyim Abel pero cucx tyolinjtz ti'j tu'nju at tocslabl.

Ax icx te Sara, masque otok tijin ex minti' tal, pero nok tu'nju at tocslabl tc'am tipumal tu'n toc ten tal, ex itz'j jun tal porque xi tocsla'n ka ax toc tu'n tjapun tyol Dios tzaj k'ma'n te.

Porque in ayontok Abraham ti'j ju tnam at ke t-simyentil, ax Dios ximal ti'j ex ax binchalte.

Tej tch'iy Moisés minti'tl o tajbe tu'n toc tbi tal tme'jel rey tuj Ejipt, porque at tocslabl Moisés. Mas o tajbexix Moisés tu'n tyajlanjtz cyuc'il ke xjal etzan tu'n Dios, ex mya tu'n ttzalaj ti'j ju achbil in tk'o'n il aju nok te cab k'ij. Cub t-ximan Moisés tu'n tyajlanjtz tu'n tlaj tbi Crist porque mas k'inumablxix jlu twitzju cyk'inumabl aj Ejipt; porque atzun toc tc'u'j ti'j ju oyaj ctzajel tk'o'n Dios te. Tu'nju at tocslabl Moisés etz tuj tx'otx' Ejipt, minti' o xob twitz ju tk'oj rey, porque tcyuwsa tib, mer ic tza'n in que'yin ti'j ju Dios minti' k'ancha'l.

Tej tprobarinjtz Abraham tu'n Dios, xi tk'o'n Abraham Isaac ic tza'n jun chojbil nok tu'nju at tocslabl. Masque otok tc'am Abraham ju yol tzaj ttziyan Dios te, pero bant tten tu'n t-xi tk'o'n o'cxcu jun tc'wa'l ic tza'n jun chojbil.

Ate xu'j Rahab, aju jawni twitz cyuc'il xinak, minti' o naj cyuc'il ke xjal miban che bin, tu'nju at tocslabl xu'j, porque ba'n e c'monjtz ke que'yil tx'otx' tu'n.

Tu'nju at cyocslabl aj Israel, e ic'tz tuj Mar Cyak Que'yin ic tza'n in che bet twitz tx'otx' tzkij; ax icx cye aj Ejipt o cyajbe tu'n cyic'tz, pero e baj naj tuj a'.

Tu'nju at cyocslabl aj Israel, e cub tz'ak ke ma tij muro ti'j tnam Jericó tbajlenxi cybetin wuk k'ij ti'jele.

Tu'nju at tocslabl Moisés cub tic'sa'n ju Xjan K'ij, ex xi tma'n cye aj Israel tu'n toc chitet chic' ttzi cyja, tu'ntzun mi'n cynaj ke nej c'wa'lbaj tu'nju anjel byol xjal.

Atzunte José, tej ch'ixtok tcyim o yolin ti'j ka attok cyeletz aj Israel tuj tx'otx' Ejipt, ex cyaj tma'n cye tu'n cyetz k'i'n ke tbakil. O yolin ti'j jlu tu'nju at tocslabl.

Ax icx te Jacob tej ch'ixtok tcyim, cub tcy'iwla'n cycabil tc'wa'l José tu'nju at tocslabl, ex o c'ulun twitz Dios moc'l tibaj tcy'ako'ch.

Tu'nju at tocslabl Isaac cub tcy'iwla'n Isaac Jacob tuc'ix Esaú tu'n cyc'monte jun cy'iwbil cyja'tok ttzaj.