Popular Bible Verses from Eclesiastés 12

Share

Aju yol cxel nma'ne te bajsbil atzun jlu: Nimana te Dios ex japunx ke tmandamyent tu'na, porque atzun ba'n tu'n tbant cyu'n xjal.

Porque ko oquel tuj xjel tu'n Dios ti'j tcyakilju in kbincha'n, ka ba'n ex ka mya ba'n, ex masque tuj ewaj otok bant ku'n.

Cucx ximana ti'j Dios aju binchan teya, acux cu'xuna ex acux na'nx tul canun tk'ijlalil mya ba'n, porque tzul tk'ijlalil tu'n tmanteya: Ya minti'tl in chin tzalaje cucx tu'n ntene. Na'ntza ja'lo na'nxtok toc yupj twitz k'ij ex twitz xjaw ex cywitz ke che'w, porque mlay che tila ke, ex atxcu muj tic'lenxi jbal tuj twitza tu'nju sjumin ti'j.

Cucx ximana ti'j Dios bi'x ja'lo, aju binchan teya, na'nxtok tlakj tak'al sak pwak, ex na'nxtok tpax ju c'il k'an pwak ttx'otx'il, ex na'nxtok tpax ju ẍok' ttzi jul jatum in jatz a', ex na'nxtok tnaj garruch in ajben tu'n tjatz a'. Porque te tibajxi jlu, aju kximlal c'oquel juntl maj te tx'otx' ic tza'n tten nej, ex aju kxew c'ajel juntl maj tuc'il Dios porque tuc'il Dios tzaj.

Akine pacbal in xi nma'ne juntl maj: Nokx gan jlu, nokx gan jlu; tcyakil jlu nokx gan.