Popular Bible Verses from Aj Pilipsib 2

Share

C'o jas mibano ri xa' ta che u nimarisaxic i k'ij, o rech quixux ta nimak i banic, xane' chi mach'arisaj iwib chich'obo' chi ri niq'uiaj chic e are' nimak na qui k'ij chiwäch ix. C'o jun mutzucuj xuwi ri kas utz che, xane' xukuje' ri utz na chque ri jule' chic.

Chc'ol ta ba' iwuc' we chomanic ri' ri xc'oji' ruc' ri Crist Jesus.

Ri pune' junam u wächbal ruc' ri Dios man xuna' ta rib chi junam ta ruc' ri Dios ri xucoj ta pa u tzij. Xuya' c'u can ri u c'olbal ri nim u k'ij ruc' ri Dios, are' xuc'am ri u wächbal jun lok'om pataninel, xalaxic jacha' winak. Aretak xuna' rib chi je u banic jas jun winak, xumach' rib, xniman c'ä pa ri cämical, jun cämic c'ut re ripibal.

Are c'u ri Dios cayo'w pa ri iwanima' ri u rayixic u banic ri cakaj chuwäch.

Rumal c'u ri' ri Dios sibalaj xunimarisaj na u k'ij chquiwäch conojel, xuya' jun u bi' ri c'o na paquiwi' conojel ri bi'aj, rech pa u bi' ri Jesus caquimej wi na ri qui ch'ec ri e c'o pa ri caj ri e c'o cho ri uwächulew xukuje' ri e c'o chuxe' uwächulew. Rech conojel cäquich'obo xukuje' cäquibij chi ri Jesucrist are Ajawaxel, jeri' cänimarisax u k'ij ri Dios Tataxel.

Pa ronojel ri quibano, xak mixch'ach'atic, mixch'ojinic. Rech jeri' man c'o ta etzelal cäriktaj chiwij, ix ralc'ual ri Dios, man c'o ta mac pa ri i c'aslemal, ix je ta ne chäj quixjuluw chquixo'l ri itzel tak winak ri e c'o cho ri uwächulew camic, ri man e suc' taj

Je c'u ri', lok'alaj tak wachalal, jas ri i nimanic amak'el aretak in c'o iwuc' nabe, camic xukuje' sibalaj chixniman na pune' man in c'o ta chi iwuc'. Chicojo' i chuk'ab chi utz ri i c'aslemal ix colotajinak chi c'u ne', nim chi wila' wi ri Dios, china' iwib chuwäch.