Popular Bible Verses from Ri Marcux 2

Share

Ri Jesus aretak xuta' wa, xubij chque: “Ri winak ri e utz man rajawaxic ta ajcun chque, xane' ri c'o yabil chque. Man in petinak taj che qui siq'uixic ri e suc', xane' in petinak che qui siq'uixic ajmaquib.”

Xril c'u ri Jesus ri qui cojonic, xubij che ri achi ri cäminak u cuerp: “Nu c'ojol, ri a mac e cuyutajinak.”

Xukuje' xubij chque: “Ri k'ij re uxlanem xban rumal quech ri winak. Man are ta xeban ri winak che ri k'ij re uxlanem.

Man xecuin ta c'ut xekeb chuwäch ri Jesus, rumal rech chi e q'ui ri winak e c'olic. Xquesaj apan jubik' u wi' ri ja ri c'o wi, xquiban jun jul, xquikasaj bic ri yawab ri c'o pa jun ch'atum che'.

Rech ba' quiwetamaj chi ri Rija'l Winak c'o takanic pa u k'ab che u sachic qui mac ri winak cho ri uwächulew, xubij c'u che ri achi ri cäminak u cuerp: ‘Quinbij chawe: Chatwalijok, chawalijisaj bic ri a pop, jät cho awachoch.’ ”

¿Jachique ri man c'ax taj, ri u bixic che ri cäminak u cuerp: ‘Ri a mac e sachtajinak,’ o ri u bixic: ‘Chatwalijok, chawalijisaj ri a pop, chatbinok?’

Chanim c'ut xwalijic, xuwalijisaj ri u pop, xel bic chquiwäch conojel. Jeri' chi conojel xquimayo, xquixe'j quib. Xquinimarisaj u k'ij ri Dios xquibij: “Mawi jumul je kilom wa'.”