Popular Bible Verses from Ri Marcux 13

Share

Quetzelax na i wäch cumal conojel rumal rech ri nu bi'. Apachin c'u ri cuk'i' ri c'ax c'ä pa ri q'uistajic, are' ri' cacolotaj na.

Chiwila', chixc'asc'atok; man iweta'm ta c'u ri k'ij.

Aretak quixc'am na bic chquiwäch ri k'atal tak tzij, mixe'j iwib, michomaj bic jas ri quibij na. Xane' chitzijoj jas ri cäya' na chiwe pa ri jok'otaj ri'. Man ix ta c'ut ri quixtzijonic, xane' are ri Ruxlabal ri Dios.

Queboc'ow na ri caj ulew. Are c'u ri nu tzij man queboc'ow taj.

Man c'o ta jun reta'm jachique jok'otaj, mawi jachique k'ij cäbantaj na wa'. Man queta'm ta ri tako'nib aj caj, mawi ne ri C'ojolaxel. Xuwi ri Tataxel reta'm.

Aretak chito chi e c'o ch'o'j, aretak quita' na u tzijol tak ch'o'j, mixsachic. Rajawaxic c'ut chi je cäc'ulmax na wa'; c'ä majok c'u ri q'uistajic.

Chixc'asc'at ba'. Man iweta'm ta c'ut jampa' cäpe ri rajaw ja, we pa xk'ekal, we pa niq'uiaj ak'ab, we aretak cok' ri ama' ec', we aretak cäsakaric. Chixc'asc'at ba', rech we xa' c'ätetal cäpetic, mixlurika' cätajin quixwaric. Ri quinbij chiwe, quinbij c'u chque conojel: Chixc'asc'atok.”

Cäwalij na jun nim tinimit chrij jun nim tinimit chic, cäwalij na jun ajawibal chrij jun ajawibal chic. Cuban na cabrakan pa jalajoj tak c'olbal, quepe na wi'jal. Chaplebal c'u wa' que k'oxowem.

Rajawaxic chi nabe cätzijox na ri tzij re colobal ib pa tak conojel nimak tak tinimit.

E q'ui quepe na, pa ri nu bi' cäquibij: ‘In ri' ri Crist’. Quequisub na q'ui winak.

Ri ix c'ut chichajij iwib. Quixjach c'u na pa tak qui k'ab ri k'atal tak tzij. Quixch'ay na pa tak ri ja ri cäquitijoj wi quib ri aj judeyib che ri pixab. Quixc'am na bic chquiwäch ri c'o takanic pa qui k'ab xukuje' chquiwäch ajawinelab rumal wech in. Jeri' cuya' quixk'alajisan na chwij chquiwäch ri e are'.

Quewalij na winak ri cäquijaluj quib chi e crist, cäquijaluj quib chi e k'axal tak tzij. Quequiban na etal xukuje' mayibal che qui subic we quecuin chque xukuje' ne ri e cha'talic.

“Pa tak c'ut ri k'ij ri', ri cac'ow ri k'ijol rech ri c'axc'olil, ri k'ij cäk'ekumar na, ri ic' man cuya' ta na ri u sakil. Ri ch'imil ri e c'o chicaj quetzak na ulok, ri chuk'ab ri e c'o chicaj queyicopisax na.