Popular Bible Verses from Ri Lucax 7

Share

Rumal ri' quinbij chawe chi ri q'uialaj tak u mac ri ixok xesachtajic, rumal ri' sibalaj xinulok'ok'ej. Apachin c'u ri xa' jubik' u mac cäsachic, xa' jubik' cälok'ok'enic.” Xubij c'u che ri ixok: “Ri a mac xesachtajic.”

Xubij c'u ri Jesus che ri ixok: “Rumal ri a cojonic, at colotajinak. Jät pa jamaril.”

Xkeb pa rakan ri Jesus, cok'ic. Xuchaplej qui ja'xic ri rakan ruc' ri u wa'l u wäch, quebusu' ruc' ri u wi'. Xebutz'umaj ri rakan, xukuje' xutix ri c'oc'al chquij.

Rumal ri' mawi ne xinchajij ta anima' che nu bic chwinakil che tzucuxic la. Xuwi ya' la ri takanic, rech cacunataj ri nu pataninel. Rumal rech chi ri in chuxe' ri nu takanic, e c'o c'u xukuje' ajch'ojab xukuje'. Quinbij che ri jun: ‘Jät’, cäbe c'ut; che ri jun chic: ‘Tasaj’, cäpe c'ut. Quintak ri pataninel we: ‘Chabana' wa'’, cuban c'ut.” Ri Jesus, aretak xuta' wa', xumayo. Xutzolk'omij rib, xubij chque ri e q'uialaj winak ri e teretoj chrij: “Quinbij chiwe chi mawi ne pa Israel nu rikom jun winak ri c'o nimalaj u cojonic je jas we achi ri'.”

Kas pa ri jok'otaj ri', ri Jesus xebucunaj q'ui winak che ri qui yab, xebucunaj ri winak ri c'o c'axalaj tak yabil chque. Xeresaj itzel tak uxlabal chque ri winak. E q'ui ri moyab, xebujak ri qui bak'wäch. Ri Jesus xubij chque ri e u tijoxelab ri Xuan: “Jix, chiya' u tzijoxic che ri Xuan jas ri xiwilo, ri xito. Chibij che chi ri moyab queca'yic, ri ch'ocojib quebinic, ri c'o ch'a'c chquij quejosk'itajic. Ri man quetan taj, cäjaktaj ri qui xiquin, ri cäminakib quec'astajisaxic, chque ri mebayib cätzijox wi ri tzij re colobal ib.