Popular Bible Verses from Ri Lucax 3

Share

Xc'ulmatajic chi aretak ri Xuan xuban ri qui bautism conojel ri winak ri xebopanic, ri Jesus xukuje' xban ri u bautism rumal ri Xuan. Aretak c'u cätajin cäch'aw ruc' Dios, ri caj xjaktajic. Xkaj ulok ri Ruxlabal ri Dios puwi' ri Jesus, ri cajunamataj ruc' jun palomax. Xtataj jun ch'abal chicaj ri xubij

Xch'aw ri Xuan, xubij chque conojel: “In kastzij quinban ri i bautism pa ri ja'. Petinak c'u jun chwij ri c'o na u cuinem chnuwäch. Man takal ta chwe chi quinquir ri u c'amal ri u xajäb. Ri are' quixucoj na pa ri Ruxlabal ri Dios; o quixucoj na pa ri k'ak'.

Chibana' wächinic ri takal che q'uexoj c'uxaj. Michaplej c'u u bixic pa iwanima': ‘C'o ri Abraham che ka tat.’ Quinbij c'u chiwe, chi ri Dios cäcuinic quebuban rija'l ri Abraham chque tak we abaj ri'.

Camic yo'm chic ri icäj chquixe' tak ri che'. Ronojel c'u che' ri man cuya' ta utzalaj u wächinic, cächoy bic, cäq'uiak pa k'ak'.”

Jacha' ri tz'ibatal rumal ri Isaiy ri k'axal tzij, ri xubij: “Jun chabebal curak u chi' pa ri chaki'j uwo sak, cubij: ‘Chisuc'umaj ri u be ri Ajawaxel, chibana' colom che ri alaj tak u be. Quenojisax na conojel ri siwan, quelilobisax na conojel ri juyub, ri nimak xukuje' ri ch'utik. Ri be ri e cotocak quejicomisax na, ri be ri sibalaj e julujak quecolomisax na. Ronojel winak caril na ri colobal ib ri cuya' ri Dios.’ ”