Popular Bible Verses from Aj Epesib 4

Share

Xane' chibana' utzil xukuje' chel i c'u'x chbil tak iwib. Chisachala' i mac, jacha' ri Dios xusach i mac rumal ri Crist.

Chixux mach'alic xukuje' chi lok'ok'ela' iwib; chc'ol i coch'onic chicoch'ola' c'u tak iwib ruc' lok'ok'ebal c'uxaj

Mel ulok pa i chi' jun itzel tzij, xane' xuwi chibij tzij ri utz ri cuya' qui chuk'ab xukuje' cuya' utzil chque ri queto'wic.

Mitakej c'anal pa ri iwanima', mäpe chi iwoyowal, mibij chi tzij re oyowal, mixyok'on chic, miwetz'bej chi qui wäch niq'uiaj winak chic, miban chi ronojel u wäch etzelal.

We cäpe iwoyowal, chiwila' mixmacunic. Mabeytaj jun k'ij ri iwoyowal. Miya' u c'olbal ri itzel.

Ri nabe i c'aslemal ri iwuc'am ulok, chiwesaj ri ojer ri k'ayinak cumal ri e subunelabalaj tak e i rayinic. Ri ix rajawaxic cac'oji' jun c'ac' i chomanic. Are' chiwatz'iakij ri c'ac' c'aslemal, jas ri cakaj chuwäch ri Dios, kas pa suq'uilal xukuje' kas pa ri ch'ajch'ojil, ri catakan wi ri u kastzij.

chicojo' i chuk'ab rech amak'el ix nuc'utalic, rumal ri u to'banic ri Uxlabaxel xukuje' rumal ri jamaril ri cuban xa jun chiwe.

Jujun xebucoj che takomxenlab, niq'uiaj chic che k'axal tak u tzij ri Dios, jujun chic xuya' chque chi cäquitzijoj ri tzij re colobal ib, niq'uiaj chic xebucoj che ajyuk'ab xukuje' che tijonelab. Jeri' xuya' chque ri cojonelab ronojel ri rajawaxic chque rech quechacunic xukuje' quepataninic, rech cäq'uiy ri u cuerp ri Crist. C'ä konojel cakarik na ri junamil pa ri cojonic xukuje' che ri u c'oxomaxic ri u C'ojol ri Dios cujopan c'ut pa ri tz'akatil cakarik c'ut ri tz'akatalaj etabalil re ri tz'akatil ri cakarik pa ri Crist Jesus.

Rech man uj ac'alab ta chic. Man cujc'am ta chi bic apawije' rumal ronojel tijonic ri je cäpe quiakik'. Man cujkaj ta chic pa ri qui subunic ri winak ri quena'w che u bixic je'lalaj tak tzij, ri cäcaj cujquic'am bic pa jun be jalan chi wi. Xane' chkabij ri kastzij ruc' lok'ok'ebal c'u'x, jeri' chujq'uiy ba pa ronojel, pa ri Crist, ri are' ri jolomaj.