Popular Bible Verses from Mc 10

Share

Y keri' yin ri xiqaqa-pe achi'el wineq chi'ikojol. Yin man ninpoqonaj ta yisamej koma ch'aqa', roma kan richin ri' toq xipe. Ja yin ri yiya'on ri nuk'aslen richin keri' e k'iy yekolotej, xcha' ri Jesús.

Jari' toq ri Jesús xerutzu-apo y xubij chike: Ri janila k'ayew chikiwech ri winaqi', chuwech ri Dios xa man k'ayew, xcha'.

K'ari' ri Jesús kan jari' xubij chire: Wakami k'a katzolin pan abey, roma xakuquba' ak'u'x, xak'achoj, xcha'. Y kan chupan k'a ri ramaj ri' ri moy xtzu'un y xrojqaj-el ri Jesús.

Roma ri', ri kan e tunun chik roma ri Dios, man tuben ri wineq chi yeruch'er, xcha' ri Jesús.

Ri Jesús rik'in k'a ajowabel xutzu' ruwech ri achin ri' y xubij chire: K'a k'o jun ri man abanon ta. Tabek'ayij k'a kan ronojel ri k'o awik'in y ri rajel tataluj chikiwech ri winaqi' ri man jun k'o kik'in, richin keri' nik'oje' abeyomel chila' chikaj. K'ari' katanpe richin kinatzeqelibej, y man tapoqonaj nak'owisaj tijoj-poqonal, xcha' chire.

Ri Jesús xuk'utuj chire: ¿Achike k'a nawajo' richin ninben awik'in?, xcha'. Ri moy xubij chire: Tijonel, yin ninwajo' yitzu'un, xcha'.

Jak'a ri chi'ikojol rix man keri' ta. Roma ri nrajo' nik'oje' ruq'ij, k'o chi nuqasaj-ri' chubanik xabachike samaj.

Kan qitzij k'a ninbij chiwe, chi ri xa man nikiben ta achi'el ri ak'uala' richin chi nikijech-ki' pa ruq'a' ri Dios, kan man k'a xke'ok ta pa rajawaren rija', xcha'.

E k'iy k'a ri janila kiq'ij re wakami, jak'a xa xtapon ri q'ij toq xa maneq chik kiq'ij xtiban chike. Y e k'iy ri maneq ok kiq'ij re wakami, jak'a kan xtapon ri q'ij toq xtik'oje' kiq'ij, xcha' ri Jesús.

Ri pa rutikeribel, toq ri Dios xuben re ruwach'ulew, kan pa k'ulaj k'a xeruben ri winaqi': Chi achi'a' chi ixoqi', xeruben. Xa roma ri' ri achin nuch'er-pe-ri' kik'in ri rute-rutata', y rik'in chik ri rixjayil xtuk'uaj-wi-ri', richin chi kan xtikich'akulaj-ki' chi e ka'i', keri' nubij ri ruch'abel ri Dios. Roma toq kik'uan chik ki', man chik e ka'i' ta, xa jun chik k'a ri kibanon.