Popular Bible Verses from Miq 4

Share

Stape' ri ch'aqa' chik winaqi' xkebiyin pa rubi' ri ki-dios, man rik'in ri' roj kan xqojbiyin pa rubi' ri Jehová ri qa-Dios, richin q'asen y tibe-q'ij tibe-seq.

Xkepe k'a janila chi winaqi' richin ch'aqa' chik ruwach'ulew, y xtikibixaj re bix re': Qojjote-el pa ruwi' ri juyu' ri richin ri Jehová. Xqojapon k'a pa rachoch ri ki-Dios ri winaqi' israelita. Y rija' xtuk'ut chiqawech ri bey ri niqa' chuwech, richin niqatzeqelibej ri rupixa', xkecha'. Ri Dios xtuk'ut k'a rupixa' pa ruwi' ri juyu' Sión. Kan pa Jerusalem k'a xtel-pe ri ruch'abel ri Jehová.

Xtibek'uluwachitej chupan ri ruk'isibel taq q'ij, chi ri juyu' ri akuchi k'o-wi ri rachoch ri Jehová kan xtiya'ox chik k'a ruq'ij jun bey. Ri juyu' ri' más nim rujotolen chikiwech ri ch'aqa' chik juyu', y konojel k'a winaqi' richin ri ch'aqa' chik ruwach'ulew, xke'apon-el chiri'.

Rija' xtuben ka' ri ruchojmilal chikikojol ri ch'aqa' chik ruwach'ulew. Ri ruwach'ulew ri ek'o janila nej y ri k'o kuchuq'a' xke'apon rik'in, richin xkeruchojmirisaj. Ri ki-espada xtikiben azadón chire, y xtikikusaj richin nisamajix ri ulew. Ri kikum xtikiben jos chire. Richin keri' maneq chik labal chikikojol ri winaqi', ni man jun xtik'utu chikiwech richin yebe pa labal.