Popular Bible Verses from Gén 45

Share

Wakami k'a, man kixbison ni man tiq'axon iwánima roma xinik'ayij-pe, roma re' kan ja ri Dios xbanon richin xiruteq-pe k'a kere', richin man yixken roma wayjal.

Roma ri', man ja ta rix ri xixtaqon-pe wichin wawe', kan ja ri Dios ri xitaqon-pe roma kan xirukusaj richin ninya' pixabanik chire ri rey y chuqa' richin chi xinok achi'el rajaw richin chijun ri rachoch, y xirukusaj chuqa' jun aj-raqen pa ruwi' chijun ruwach'ulew Egipto.

Roma ri' ri Dios xiruteq-pe re wawe', nabey chiwech rix, richin chi yek'oje' kan k'iy iwijatzul chuwech re ruwach'ulew, y richin chuqa' chi ninkol ri ik'aslen rix y man yixken ta roma wayjal.

Y xubij k'a chike ri rach'alal chi kejel-apo rik'in. Y toq rije' xejel-apo rik'in rija' xubij chik jun bey chike chi ja rija' ri José ri kach'alal, ri xkik'ayij-pe pan Egipto.

Ka'i' yan juna' k'o-pe re wayjal chuwech re ruwach'ulew y k'a k'o wo'o' ri nikanej kan chiqij y chupan ri wo'o' juna', stape' xtiban qa tiko'n xa man xtiwachin ta.

Y ri José xubij k'a chike ri rach'alal: Ja yin ri in José. ¿K'a k'es ri nata'?, xcha'. Y rije' man jun xetikir xkibij chire roma janila kixibin-ki' chuwech.