Popular Bible Verses from 2 Timoteo 1

Share

Roma ri Dios rubanon chiqe chi man niqaxibij ta qi', kan ruya'on uchuq'a' chiqe, rubanon chiqe chi yojajowan y chi yojtikir niqaq'et-qi' chubanik ri etzelal.

Ri Dios xojrukol chupan ri qamak, y xojroyoj richin niqak'uaj jun loq'olej k'aslen. Y ronojel re' xuben man roma ta ri utzilej taq qabanobal, xa kan roma ri rutzil y roma kan keri' ruch'obon-pe pa qawi' ri ojer chi nuteq-pe ri Jesucristo richin nuya' ri rutzil chiqe.

Y roma ri' ninbij chawe chi tatija' aq'ij chi jantape' ta k'es awik'in ri sipanik ri ruya'on ri Dios chawe toq xinya' ri nuq'a' pan awi'.

Man kak'ix naq'alajirisaj ri ruch'abel ri qajaw, ni man kak'ix woma yin, ri in k'o pa cárcel roma rija'. Paruk'exel ri' rik'in ri uchuq'a' ri nuya' ri Dios chawe, man tapoqonaj nak'owisaj tijoj-poqonal roma natzijoj ri utzilej ch'abel richin kolotajik.

Y roma ri' nintej poqon, jak'a man yik'ix ta, roma kan wetaman-wi ri achike nuniman y kan kuqul-nuk'u'x rik'in chi nuchajij ri wánima ri nujachon pa ruq'a', k'a toq xtapon ri ruk'isibel q'ij.