Popular Bible Verses from 2 Pedro 3

Share

Ri ajaw man jani nipe. Jak'a man roma ta man nuben ta ri rubin. Rija' xa k'a nim na ri ránima qik'in, y man nrajo' ta k'a chi k'o ta jun ri nisach richin jantape'. Y roma ri' kan k'a ruya'on na q'ij chike ri aj-maki' richin nitzolin-pe kik'u'x rik'in.

Jak'a rix wach'alal ri yalan yixinwajo', ninbij k'a chiwe chi man timestaj chi rik'in ri Dios, jun q'ij achi'el 1,000 juna', y 1,000 juna' achi'el ok jun q'ij.

Pa ruk'exel ri', xa kan tiwetamaj k'a más chirij ri qajaw y qakolonel Jesucristo, y yixk'iy k'a rik'in ri ik'aslen. Y rija' xtuk'ul ta k'a ruq'ij-ruk'ojlen re wakami y keri' tibe-q'ij tibe-seq. Kan keri' ta k'a.

Kan xtipe na wi ri q'ij ri rubin kan ri ajaw, y man jun etamayon jampe', achi'el nuben jun eleq'om toq nok pa jun jay. Y chupan ri q'ij ri', ri kaj kan xtik'is roma xtijinin pa q'aq'. Chuqa' re ruwach'ulew y ronojel ri k'o pa ruwi' xkek'at chuqa'.

Roma k'a ronojel ri' rix yalan nik'atzin chi kan nik'uaj jun loq'olej k'aslen ri kan niqa' chuwech ri Dios, rokik niwoyobej ri q'ij toq xtipe rija'. Titija' iq'ij richin niben richin chi'anin napon ri q'ij ri', toq ri kaj xtujin q'aq' y xtik'is. Ronojel kan xkeya'er pa ruq'a' ri ruq'aq'al ri q'aq'.