Popular Bible Verses from 1 Juan 4

Share

Y roma ri Dios yojrajo' roj, man jun achike roma niqak'en rukiy, roma ri qitzij ajowabel nrelesaj ri xibinri'il. Ri xibinri'il nipe xaxe roma ri ruk'ayewal. Y wi niqak'en rukiy nel chi tzij chi man k'iyineq ta ri rajowabal ri Dios qik'in.

Rix walk'ual, ri ix richin chik ri Dios y xixch'akon yan chikij, roma ri k'o iwik'in rix, kan más wi nim ke chuwech ri k'o chuwach'ulew.

Y ja ri Dios ri xojajowan-pe nabey, roma ri' roj xqajo' rija'.

Rix ri yalan yixinwajo', tiqajowala' k'a qi' chiqawech, roma ri ajowabel kan peteneq-wi rik'in ri Dios. Wi yojajowan, niq'alajin chi qak'uan ri k'ak'a' alaxik y oj ralk'ual chik ri Dios, y chuqa' qetaman ruwech jebel.

Jak'a wi man yojajowan ta, niq'alajin chi man qetaman ta ruwech ri Dios, roma ri Dios kan najowan-wi.

Y rik'in re' xq'alajin ri ajowabel: Chi kan ja ri Dios ri xojajowan-pe nabey, y man ja ta roj. Y roma ri janila rajowabal pa qawi', xuteq k'a pe ri Ruk'ajol richin xken qoma, richin chi nikuyutej ri qamak.

Rix wach'alal ri yalan yixinwajo', roma ri Dios kan keri' qajowaxik ri xuben, roj kan k'o k'a chuqa' chi niqajowala-qi' chiqawech.

Y ri Dios xuk'ut chiqawech chi kan najowan, roma ri' xuteq-pe ri juney Ruk'ajol chuwech re ruwach'ulew richin xuya' k'ak'a' k'aslen chiqe.

Y wi niqabij chi niqajo' ri Dios y xa niqetzelaj jun qach'alal, man qitzij ta ri niqabij. Roma wi man yeqajo' ta ri qach'alal ri kan yeqatz'et, ¿yojtikir kami niqajo' ri Dios ri xa man qatz'eton ta ruwech?

Y qonojel ri niqabij chi ja ri Jesús ri Ruk'ajol ri Dios, ri Dios kan k'o-wi pa qánima, y chuqa' kan jun qabanon rik'in.

Roma ri' ri Cristo ruya'on kan ri pixa' chi wi niqajo' ri Dios, kan keqajo' k'a chuqa' ri qach'alal.

Wach'alal ri yalan yixinwajo', man tinimaj ri nubij jun wineq xaxe roma ri nubij chi rik'in ri Loq'olej Espíritu peteneq-wi. Rix xa kan nik'atzin chi nich'ob rij jebel richin niwetamaj, roma e k'iy winaqi' chuwech re ruwach'ulew ri yebin chi ja ri ruch'abel ri Dios ri nikitzijoj, y xa man qitzij ta. Y yixtikir k'a niwetamaj wi kan rik'in ri Loq'olej Espíritu richin ri Dios e peteneq-wi, o xa man keri' ta. Wi nikibij chi ri Jesucristo xpe wawe' chuwach'ulew y xok wineq achi'el roj, nuq'alajirisaj chi ja ri Loq'olej Espíritu richin ri Dios yoyon ri kich'abel.

Jak'a wi man nikibij ta keri', niq'alajin k'a ri' chi man ja ta ri Loq'olej Espíritu richin ri Dios yoyon kich'abel. Xa ja ri espíritu richin ri itzel ri yoyon ri ch'abel ri' chike. Re espíritu re' etzelanel richin ri Jesucristo, y rix iwak'axan chi k'o na chi nipe, y wakami xoqaqa yan k'a chuwech re ruwach'ulew.