Popular Bible Verses from Mathaayo 5

Share

Lwona awantu ngawaesa okuambia ekimuri kandi wakifunikira ne ekidida. Ni aa okukola otio, wakita aa ekiesa okumurikra awantu awari mu enyumba woona. Mu engira endala eyo, owueru owua mugenda-gendamo wusugaane wuwonekanre awantu woona, ni wawona enkola ziinyu endootu kugere watondowole Soinyu ori ku igulu.

“Mu ekialo kino, inywe muri kiomo owueru owumurika mu ekierema. Omugizi oguri ku ekigiri ngaguesa okuiwisa, yaaya.

Awasereekwe na awantu aweeru mu emioyo giawu, aeniki waaza okuwona Katonda.

Awasereekwe na awantu awari ne enzala no owulwo owua okukola okuagala okwa Katonda, aeniki waaza okuigusiwua.

Ni inze mbalaga otino: Mugonzie awazigu wiinyu kandi musawire awawaingizia mu emidambo.

“Awasereekwe na awantu awamanyire mbwe awatakiiye ensereki ezia mu omwoyo, aeniki *Owuami owua ku igulu wuri owuawu.

Awasereekwe na awantu awareeta empurizanio endootu agati ya awantu, aeniki waaza okuetwa awaana awa Katonda.

Awasereekwe na awantu awarra, aeniki Katonda aaza okuwaoreezia.

Awasereekwe na awantu awakorrwa uwiiwi ku okukola ewintu ewia Katonda aagala, aeniki Owuami owua ku igulu no owuawu.

Awasereekwe na awantu awa amasaasra, aeniki waaza okusaasrwa.

“Musereekwe inywe na awantu wawanyega, ni wawakorra uwiiwi, kandi ni wawawoolako ewintu ewiwiiwi wiona ku olugonzi olwa mungonziizie nalwo. Musangaale kandi muomererwe, aeniki omugawo ogwa muwikiirwe ku igulu guri omukaate. Mu engira efwanani, waakorra uwiiwi *awagambi awaawaao, inywe ni mukiari.

Awasereekwe na awantu awaolu, aeniki Katonda aaza okuwa-aa ekialo kiomo yaifuuwa.

“Mu ekialo kino, inywe muri kiomo omuunyu mu okuria. No omuunyu ni guteesiizie enzaziima yagwo, gwona gukairana gwawa omulungi kandi? Yaaya, omuunyu ogumiire okuteesia enzaziima, guwula ne emirimo. Ekisigaale mala no okufukwa enze, awantu wagutaze-taze na amagulu.

Kutio muwe awatuufu awawulako embala, ki Soinyu owa ku igulu.”

Iwue no owoorre mbwe, ‘Ee,’ reka riwe-uwa ‘Ee’ otio. Ni no owoorre mbwe, ‘Yaaya,’ reka riwe-uwa ‘Yaaya’ otio. No oteereo agandi agakirre ao, ago gaema ku omwoni *Ekikeeno.

“Mwamiire okuwurra mbwe kwawoolwa mbwe, ‘Eriiso ku eriiso kandi eriino ku eriino.’ Kukawa kutio, inze mbalaga mbwe otaaza walwania omuntu omuwiiwi, yaaya. Na akukubre oluyu oluwega olulala, mugalusizie oluwega lundi lwona akube.

Ne eriiso riao rigera no oingira mu owuoni, ritooleo oririgize ale. Kulootu okuteesia ekiimo ekilala ekia omuwiri gwao okukira omuwiri gwao gwona okurigizwa mu omurro. Kandi no okukono kwao okusaaza kugera no oingira mu owuoni, kukenge kuemeo okurigize ale. Kulootu ku iwue okuteesia ekiimo ekilala ekia omuwiri gwao okukira omuwiri gwao gwona okurigizwa mu omurro.