Popular Bible Verses from ᐅᐸᓓᑭᔅ ᒫᕐᒃ 12

Share

ᒋᓴᔅ ᒫᑲ ᑮ ᓇᔥᑴᐗᔑᐁᐤ, ᐊᓂᒪ ᒫᐗᒋ ᓃᔥᑕᒻ ᑲᑫᔅᑴᐎᓐ ᐁᐗᑯ ᐅᒪ, ᓇᑐᑕ, ᐅ ᐃᔅᕃᐃᓪ, ᐅᑎᐯᓕᒋᑫᐤ ᑭ ᑭᒋᒪᓂᑐᒥᓇᐤ ᐯᔭᑯ ᐁ ᑎᐯᓕᒋᑫᑦ: ᑭ ᑳ ᓵᑭᐊᐤ ᒫᑲ ᐅᑎᐯᓕᒋᑫᐤ ᑭ ᑭᒋᒪᓂᑐᒻ ᒥᓯᐌ ᑭᑌᐃᒃ, ᓀᔥᑕ ᒥᓯᐌ ᑭᑦ ᐊᒑᑯᒃ, ᓀᔥᑕ ᒥᓯᐌ ᑭ ᒥᑐᓀᓕᒋᑲᓂᒃ, ᓀᔥᑕ ᒥᓯᐌ ᑭ ᒪᔥᑲᐎᓯᐎᓂᒃ᙮ ᐁᐗᑯ ᐅᒪ ᓃᔥᑕᒻ ᑲᑫᔅᑴᐎᓐ᙮ ᐊᓂᒪ ᓂᔓ ᒫᑲ ᓇᔅᐱᑐᐌᒪᑲᓐ, ᐅᒪ ᐅᑎ, ᑭ ᑳ ᓵᑭᐊᐤ ᑭᒋᐃᓕᓕᐤ ᑖᐱᔅᑯᒡ ᐁ ᐃᔑ ᓵᑭᐃᑎᓱᔭᓐ᙮ ᓇᒪᐎᓚ ᐃᑕᑾᓐ ᑯᑕᒃ ᑲᑫᔅᑴᐎᓐ ᐊᐙᓯᑌ ᐁ ᐃᑌᓕᑖᑾᒃ ᐃᔥᐱᔥ ᐅᐅ᙮

ᑮ ᓇᑐᒣᐤ ᒫᑲ ᐅ ᑭᔅᑭᓄᐊᒪᐙᑲᓇ, ᐃᑌᐤ ᒫᑲ, ᑖᐺ ᑭᑦ ᐃᑎᓇᐗᐤ, ᐊᐗ ᑳ ᒪᓀᓯᑦ ᑭᑎᒫᑭᔅᑴᐤ ᐊᐙᓯᑌ ᒥᔅᑕᐃ ᑮ ᐱᒋᐌᐱᓀᐤ ᐃᔥᐱᔥ ᒥᓯᐌ ᐊᓂᑭ ᑳ ᑮ ᐱᒋᐌᐱᓂᑫᒋᒃ ᔔᓕᐋᓇᐎᑲᒥᑯᒃ: ᐌᓴ ᒥᓯᐌ ᐊᓂᑭ ᐅ ᐌᓗᑎᓯᐎᓂᐙᒃ ᑮ ᐅᒋ ᐸᑭᒋᐌᐱᓀᐗᒃ; ᐎᓚ ᒫᑲ ᐅ ᒪᓀᓯᐎᓂᒃ ᑮ ᐱᒋᐌᐱᓇᒻ ᒥᓯᐌ ᑳ ᐋᔮᑦ, ᒥᓯᐌ ᐅᑎ ᑳ ᐋᔮᑦ ᑭᒋ ᐅᒋ ᐱᒫᑎᓰᑦ᙮

ᒋᓴᔅ ᒫᑲ ᑮ ᐊᐱᐤ ᑎᐱᔅᑯᒡ ᔔᓕᐊᓇᐎᑲᒥᑯᒃ, ᑮ ᑲᓇᐙᐸᒣᐤ ᒫᑲ ᐃᓕᓕᐗ ᐁ ᐃᔑ ᐌᐱᓈᓕᒋ ᔔᓕᐋᓇ ᔔᓕᐋᓇᐎᑲᒥᑯᒃ: ᒥᒉᑦ ᒫᑲ ᑳ ᒥᔕᑭᓯᒋᒃ ᒥᔅᑕᐃ ᑮ ᐱᒋᐌᐱᓀᐗᒃ᙮ ᑮ ᑕᑯᔑᓐ ᒫᑲ ᐯᔭᒃ ᑳ ᒪᓀᓯᑦ ᑭᑎᒫᑭᔅᑴᐤ; ᑮ ᐱᒋᐌᐱᓀᐤ ᒫᑲ ᓂᔓ ᒫᐗᒋ ᐊᐱᔅᒋ ᔔᓕᐊᓈᐱᔅᑯᔕ, ᐯᔭᒃ ᐊᐱᔅᒋ ᔓᓕᐊᓈᐱᔅᑯᔥ ᑳ ᐃᑕᑭᒫᑲᓂᐎᓕᒋ᙮

ᓀᔥᑕ ᑭᒋ ᓵᑭᐋᑲᓂᐎᑦ ᒥᓯᐌ ᒥᑌᐃᒃ, ᓀᔥᑕ ᒥᓯᐌ ᓂᓯᑕᑐᒧᐎᓂᒃ, ᓀᔥᑕ ᒥᓯᐌ ᐊᒑᑯᒃ, ᓀᔥᑕ ᒥᓯᐌ ᒪᔥᑲᐎᓯᐎᓂᒃ, ᓀᔥᑕ ᑭᒋ ᓵᑭᐋᑦ ᐎᒋᐃᓕᓕᐗ ᑖᐱᔅᑯᒡ ᐁ ᐃᔑ ᓵᑭᐃᑎᓱᑦ, ᐊᐙᓯᑌ ᐃᑌᓕᑖᑾᓐ ᐃᔥᐱᔥ ᐁ ᒥᓯᐌᔮᑭ ᐃᔥᒀᑌᐎ ᐸᑭᑎᓂᑫᐎᓇ ᓀᔥᑕ ᓵᓵᑭᐎᓕᐌᐎᓇ᙮

ᒋᓴᔅ ᒫᑲ ᐁ ᓇᔥᑴᐗᔑᐋᑦ ᑮ ᐃᑌᐤ, ᒥᓕᒃ ᓯᓴᕐ ᐊᓂᐃ ᐌᑖᔮᓂᑦ ᓯᓴᕐ, ᓀᔥᑕ ᑭᒋᒪᓂᑐ ᐊᓂᐃ ᐌᑖᔮᓂᑦ ᑭᒋᒪᓂᑐ᙮ ᑮ ᒫᒪᔅᑳᑌᐗᒃ ᒫᑲ᙮