Popular Bible Verses from Mt 12

Share

Nataq'aen ami ja'aĝatema queda'me ga'me nolo' qom 'uo da'me nec'atenaĝanaĝac ena'uaque ami qama'le yemta auanomye'alo gaa'me at'aqataqadi' 'me chiyoĝo's jo'ne anenaĝachidegue nale. Qa'a qom 'uo da'me nec'atenaĝanaĝac qama'le nach'enaua at'aqataqadi' chiyaqayilo da'me 'uo da'me adajouaĝajet, uotaĝa qaya.”

¡Yataqachiñe eja da'me ami nanayaqa c'oqo'tepi! ¿Qo'li 'noote' gaa'me at'aqataqadi' da'me ja ami 'te 'noe'n? Qa'a gaa'me uetayelo naa'me adai'lidi' naqaegaua na'yalo naa'me anedegaqachedi'.

Ñe'me jiyaĝaua jo'ne 'noota nenaĝatedegue gaa'me 'noote' qa'a da'me 'noota ue'tajop joga'me, ñe'me jiyaĝaua jo'ne ja no'en nenaĝatedegue gaa'me ja 'noe'n qa'a da'me ja no'en ue'tajop joga'me.

“Qo'che' ami ja'aĝatema queda'me Dios yapalaĝa't ena'uaque ga'me loecopi joga'me jiyaĝadipi nataq'aen ena'uaque gaa'me ja 'noe'n 'me nenaĝatedegue nale, qalaĝaja ja yapalaĝa't gaa'me 'laqataqa qom ye'uetedac joñe'me Dios Lepaqal 'me ja 'nalegue.

“Qom onaĝai jaga'me epaq qama'le yauo'oe jala jo'ne 'noote'; qom ja no'en jaga'me epaq qama'le yauo'oe jala jo'ne ja 'noe'n; qa'a qoyachiyoĝotaye jaga'me jala da'me qoyateton jaga'me epaq.