Popular Bible Verses from Matayo 6

Share

Ge wunu koŋ yenyo yo me donyo i loccere kede me nwoŋo kite atira mere, jami magu ducu obino medo baŋwu.

Kur ibed wunu kede par apol pi diki, pien ceŋ a diki bino paro pire kene. Nino acel acel cannere rome.

“En omio akobbiwu ni, kur ibed wunu kede par apol pi kwowu, ni ibino camo wunu ŋo, onyo ibino mato wunu ŋo, onyo pi komwu ni ibino ruko wunu ŋo. Kwo pire mom tek kato cam? Kede kom mom pire tek kato ruk?

Ento yin ka ikwao Obaŋa, dony i tyelo, eka ite cego doggolani oko, ite kwayo Pappi a tye i muŋ; cite Pappi a neni i muŋ bino miyi mot.

Doŋ ba, kwa wunu Obaŋa kit man, ni, ‘Papawa a tye i polo, nyiŋi bed me awora. Myero locci doŋ bin, gin ame imito myero tiye, i lobo bala i polo.

Miwa tin cam mewa me tin

timwa kica pi bannyi i baŋwa, acalo wan daŋ otimo kica baŋ jo a tye kede bannyiwa.

Kur imi bitwa, ento ilarwa i baŋ Arac. [Pien loc kede teko kede kwogo obedo meri atwal. Amen.’]

Pien ka wun itimo wunu jo kica i bal megi, Papawu a tye i polo daŋ bino timowu kica

Koŋ inen wunu winy a twarre; gin mom ocoo koti, daŋ mom okao, mom ocoko i dero, ento Papawu a tye i polo pitogi. Wun mom pirwu tek kato gin?

“Kur ikan wunu lonyo pirwu kenwu i wi lobo, kan ame nyenye kede nyalli balo oko ni, anaka okwo turo ot te kwalo oko. Ento kan wunu lonyowu i polo, kan ame nyenye kede nyalli mom balo, anaka okwo mom turo ot, te kwalo. Pien kan ame lonyowu bedo iye, cunywu daŋ bedo kuno.

“Mom tye dano moro a twero tiyi odoŋe aryo; pien bino dago ŋat acel, eka te maro en ocele, onyo bino moko i kom moro acel, eka te cayo en ocele. Pe itwero wunu tic pi Obaŋa kede pi lim.

Ka Obaŋa ruko lum ame tye i tim, ame bedo ka tin keken, dik i ote bolo oko i keno, en mom bino rukowu akato, wun jo ame iyeewu nok?

Ento yin ka ikonyo ocan, kur imi ciŋi tuŋ cam ŋe gin a ciŋi tuŋ cem atimo, wek ikony ocan i muŋ; cite Pappi a neni i muŋ bino miyi mot.

“Gwokere wunu, kur iti wunu ticwu me kite atir i nyim jo me gin nen. Ka itimo wunu amannono, mom doŋ ibino nwoŋo wunu mottoro i baŋ Papawu a tye i palo.

“Ka ikanyo wunu kec, kur ibed wunu bala ogoba a waŋgi nen myemye, pien gin balo waŋgi ni jo nen ni gin otye okanyo kec. Ateni akobbiwu ni, gin doŋ otyeko gamo motgi oko. Ento yin ka ikanyo kec, wir wii kede moo ilog waŋi daŋ, me kur inen baŋ jo ni ikanyo kec, kono ka baŋ Pappi me i muŋ; cite Pappi a neni i muŋ bino miyi mot.