Popular Bible Verses from Markus 6

Share

Jesus wa heela ovalongwa ve ha tyaa: “Indjen̯i tu ke likalele atwiika, opo mu ka thuve po kanunu.” Iya mena lyokutya kwa li ovantu ovengi oombamave ya na mbamava i, okutya kava li ave na oluvedhe lwokulya.

Jesus we ve heela ha tyaa: “Omuprofeti ka tombwa pamo mpape lili, omondolopa yawo vala nokovawo nomonganda yawo.”

Iya Jesus hiee thiki kontyo, wa mona engundwa enene lyovantu. Ye wa li ae ve etethele mo onkenda, mena lyokutya va li amava ngala odhondhu ndhihadhi na omut̯ita. Ye wa uta oku ve longa ovipuka ovingi.

Okutya Jesus ka ningilile ko otjilingankono notjimo, ovavedhi vamovamo vala mbaa tendeka omawoko e, he ve velula. Ye we kuminwa mena lyokuhaitavela kwawo. Iya okudha mpoka Jesus wa ka endaenda moulongo noulongo, otjo ma longo ovantu.

Jesus wa itha po omingome mbyoka vitano nodhohi ndhoka mbali, ha tala peulu, ha pandula. Ye wa nyembula omingome, he vi pa ovalongwa ve, ve vi yandjele ovantu. Otjo e ve yandjela uke odhohi ndhoka mbali. Wo avehe va lya, have kuta. Ovalongwa va ongedha ovinyembu vyomingome novyodhohi, have yulitha odhombwe omulongo nambali.