Popular Bible Verses from Markus 11

Share

Tauvene yau nasaav payam. Isaav ighe yam aghason Maaron pa gabua eta, ve aghur ila aghe i pale igham gabua tana ivot, i aat ighamu ivot payam.

Yesu iyol Petrus aliiŋa, ve isaav pazi ighe: “Yam irau aghur ila to Maaron. Yau nasaav payam kat: Isaav ighe tamtamon eta isaav pa loloz tane ighe: ‘Uburig, ve usik taum ula te.’ Ve ighe loolo ru mako, ve ighur ila ighe saveeŋ tooni pale ighur anooŋa, ene pale Maaron igham gabua tana ivot.

“Isaav ighe yam ayooz pa suŋuuŋ, ve lemim pataŋani tomania etamim eta, na apul sosor tooni tana. Le isov o asuŋ. Leso Tamamim tau ileep sambam we, ireu sosor tsiam paam.

Yesu iyol Petrus aliiŋa, ve isaav pazi ighe: “Yam irau aghur ila to Maaron. Yau nasaav payam kat: Isaav ighe tamtamon eta isaav pa loloz tane ighe: ‘Uburig, ve usik taum ula te.’ Ve ighe loolo ru mako, ve ighur ila ighe saveeŋ tooni pale ighur anooŋa, ene pale Maaron igham gabua tana ivot.

Ra ipaghazoŋai zi pa Maaron aliiŋa ighe: “Yam awatagh mako? Maaron aliiŋa tau tiboode na isaav ighe: ‘Pale tiwaat rumei tsiau tighe ‘suŋuuŋ niia to nughmariŋ.’ Eemon yam aghamu imin nugh tau umbuuŋa tiyoŋyooŋ ila.’ ”

Ve tamtamon siriv timuuŋ pa Yesu, ve siriv tilaagh murei, ve tipaiti toman aliŋazi tiina tighe: “Hosana! Ŋeer tane ilam pa Ŋeer Tiina eeza. Poia to Maaron aat izaa tooni ve ipaloti!

Tamtamon tau aazne ilam ne, pale imin kinik, ve igham pooz imin muuŋ timbuun David ighamu. Poia to Maaron aat izaa tooni ve ipaloti. Hosana! Tapait Maaron tau ileep saaŋa le saaŋa kat na eeza!”